ໜັງສືພິມເຢີນໝິນຢື້ປ້າວຂອງຈີນລາຍງານວ່າ:ທ່ານລີເວີຍ ຫົວໜ້າສູນຄົ້ນຄວ້າການພັດທະນາ ຂອງຄະນະລັດຖະບານຈີນກ່າວໃນກອງປະຊຸມວຽກງານໃຫ້ຄຳປຶກສານະໂຍບາຍທົ່ວປະເທດໃນວັນທີ 23 ກຸມພານີ້ວ່າ,ອີງຕາມຈັງຫວະເສດຖະກິດຈີນໃນປີ 2016,ທ່ວງທ່າການສະໜອງແລະຄວາມຕ້ອງການທີ່ຂາດຄວາມສົມດຸນຂອງເສດຖະກິດຈີນພວມຫຼຸດຜ່ອນລົງ, ຄວາມສ່ຽງຕາມຈັງຫວະການເຕີບໂຕທາງເສດຖະກິດຈະຊ້າລົງຢ່າງວ່ອງໄວກໍໄດ້ຫຼຸດລົງ, ການເຕີບໂຕແບບໂຕ " L" ຈາກແນວຕັ້ງໃນແຕ່ກ່ອນຫັນສູ່ແນວນອນແລະການຫັນປ່ຽນທາງເສດຖະກິດຈາກຂັ້ນ"ຫຼຸດຄວາມໄວ"ໄປສູ່ຂັ້ນ "ຍົກສູງຄຸນນະພາບ".
ສຳລັບຄວາມຕ້ອງການຈາກພາຍນອກ,ອົງການສາກົນທີ່ສຳຄັນລ້ວນແຕ່ຄາດຄະເນຈັງຫວະການເຕີບໂຕຂອງເສດຖະກິດໂລກໃນປີນີ້ຈະກະເຕື້ອງຂຶ້ນເລັກໜ້ອຍ,ຈາກນີ້ຈຶ່ງຄາດວ່າຈັງຫວະການເຕີບໂຕໃນການສົ່ງອອກຂອງຈີນໃນປີນີ້ຈະປົດທິດທາງລົບມາສູ່ທິດທາງບວກ.
ຂະນະທີ່ຄວາມຕ້ອງການຈາກພາຍໃນ,ເຖິງວ່າຈັງຫວະການເຕີບໂຕລວມຍັງສືບຕໍ່ຫຼຸດລົງກໍຕາມ,ແຕ່ການຫຼຸດລົງໄດ້ຖືກຈຳກັດ.ຄຽງຄູ່ກັບອົງປະກອບການບໍລິໂພກໄດ້ຍົກລະດັບຂຶ້ນຢ່າງບໍ່ຢຸດຢັ້ງ,ຮູບແບບການບໍລິໂພກໃໝ່ກໍໄດ້ປາກົດຂຶ້ນຢ່າງບໍ່ຢຸດຢັ້ງແລະຈັງຫວະການເຕີບໂຕດ້ານການບໍລິໂພກຈະໝັ້ນທ່ຽງໂດຍລວມ.
ຈາກນີ້ຈຶ່ງເວົ້າໄດ້ວ່າ,ເສດຖະກິດຈີນປີ 2017 ຈະຮັກສາການເຕີບໂຕອ່າວໜັກແໜ້ນ.
 |
