ວັນທີ 23 ກຸມພານີ້, ຢູ່ຈາກາດາ, ທ່ານປາສກາວ ລາມີ ອະດີດຜູ່ອຳນວຍການໃຫຍ່ຂອງອົງການການຄ້າໂລກຫຼືວ່າ WTO ກ່າວວ່າ, ປັດຈຸບັນ, ໂລກາວິວັດໄດ້ຜະເຊີນໜ້າກັບບັນຫາແລະການທ້າທາຍຕ່າງໆ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ທີ່ຈີນສະເໜີອອກນັ້ນຈະກາຍເປັນເຄື່ອງຈັກຂອງໂລກາວິວັດໃນອະນາຄົດ.
ມື້ດຽວກັນ, ໃນການບັນລະຍາຍສາທາລະນະ " ກຳຈັດໂລກາວິວັດຫຼືໂລກາວິວັດອີກ " ທີ່ຈັດຂຶ້ນຢູ່ຈາກາດາ, ທ່ານລາມີກ່າວວ່າ, ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ແມ່ນສິ່ງກຳເນີດຈາກສະຕິປັນຍາ, ຈີນເພີ່ມທະວີການລົງທຶນຢູ່ປະເທດທີ່ລຽບຕາມເສັ້ນທາງໃນຂົງເຂດພື້ນຖານໂຄງລາງໂດຍຜ່ານຂໍ້ລິເລີ່ມນີ້ແມ່ນສິ່ງທີ່ຫຼາຍໆປະເທດຕ້ອງການແລະຊົມເຊີຍຢ່າງຕັ້ງໜ້າ.
ທ່ານລາມີກ່າວວ່າ, ການພັດທະນາພື້ນຖານໂຄງລ່າງມີຜົນດີຕໍ່ການຊຸກຍູ້ການຄ້າທົ່ວໂລກ. ຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ" ໄດ້ປົວແປງພື້ນຖານໂຄງລ່າງຂອງປະເທດລຽບຕາມເສັ້ນທາງໃຫ້ດີຂຶ້ນ, ຈີນກໍຍັງໄດ້ຮັບການຍ້ອງຍໍຈາກສາກົນ.
ທ່ານລາມີຍັງກ່າວວ່າ, ທ່ານໄດ້ເປັນສັກຂີພິຍານການເປີດປະຕູສູ່ພາຍນອກຂອງຈີນຫຼັງເຂົ້າຮ່ວມ WTO. ໃນເວລາທີ່ບາງປະເທດໃນໂລກກ້ວໄປສູ່ລັດທິປົກປ້ອງການຄ້າ, ຈີນມີຫວັງຈະກາຍເປັນກຳລັງສະຖຽນລະພາບຂອງການຄ້າໂລກ.
