ທ່ານອາລີ ອາຄາບາ ຊາເລຮີ ປະທານອົງການພະລັງງານປະລະມານູນອີຣານຢືນຢັນໃນວັນທີ 25 ກຸມພານີ້ວ່າ ປະເທດຕົນແລະຣັດເຊຍໄດ້ບັນລຸແຜນການຮ່ວມຜະລິດວັດຖຸເຊື້ອໄຟນິວເຄລຍ.
ຂ່າວສານນັກສຶກສາອີຣານໄດ້ລາຍງານໂດຍອີງໃສ່ຄຳເວົ້າຂອງທ່ານຊາເລຮີໃນວັນທີ 25 ກຸມພານີ້ວ່າ ຫຼັງປຶກສາຫາລືແລະເຈລະຈາມາຫຼາຍຮອບ, ປະເທດຕົນແລະຣັດເຊຍໄດ້ບັນລຸສັນຍາເບື້ອງຕົ້ນວ່າດ້ວຍການຮ່ວມກັນຜະລິດວັດຖຸເຊື້ອໄຟນິວເຄລຍທັງໄດ້ລົງນາມໃນແຜນການຮ່ວມມືແລ້ວ ແລະອີຣານຕ້ອງການຄວາມຊ່ວຍເຫຼືອຂອງຣັດເຊຍໃນດ້ານນີ້.
ທ່ານຊາເລຮີກ່າວຕື່ມວ່າ: ອີຣານຈະໃຊ້ເວລາ 3 ປີນຳເຂົ້າຢູເຣນຽມ ທີ່ເປັນວັດຖຸດິບອຸດສາຫະກຳນິວເຄລຍ 950 ໂຕນຈາກກາຊັກສະຖານໂດຍແບ່ງເປັນ 3 ງວດ, ໃນນີ້, ສອງປີທຳອິດຈະນຳເຂົ້າ 650 ໂຕນ ແລະປີທີ 3 ຈະນຳເຂົ້າ 300 ໂຕນ.
ຢູເຣນຽມດັ່ງກ່າວບໍ່ສາມາດໃຊ້ເຂົ້າໃນເຄື່ອງປະຕິກອນນິວເຄລຍໂດຍກົງໄດ້ ແຕ່ສາມາດໃຊ້ໃນການກັ່ນເອົາຢູເຣນຽມຂຸ້ນ ເຊິ່ງເປັນວັດຖຸສື່ກາງຊະນິດໜຶ່ງທີ່ຈຳເປັນຕ້ອງໃຊ້ໃນການຜະລິດວັດຖຸເຊື້ອໄຟນິວເຄລຍ.