ບັງກະລາເດັດໄດ້ຈັດຕັ້ງການແຂ່ງຂັນອ່ານກະວີຈີນຄັ້ງທີ 2 ແລະການເສັງຄວາມຮູ້ທົ່ວຈີນຄັ້ງທີ 3 ຢູ່ມະຫາວິທະຍາໄລດາຄາປະເທດດັ່ງກ່າວໃນວັນທີ 25 ກຸມພານີ້ໂດຍບັນດານັກສຶກສາໄດ້ສະແດງຄວາມສາມາດດ້ານພາສາຈີນແລະຄວາມເຂົ້າໃຈວັດທະນະທຳຈີນດ້ວຍການອ່ານກະວີຈີນແລະການຖາມຕອບຄວາມຮູ້ກ່ຽວກັບຈີນ.
ການແຂ່ງຂັນດັ່ງກ່າວໄດ້ຈັດຂຶ້ນໂດຍການເປັນເຈົ້າພາບຂອງສະຖານທູດຈີນປະຈຳບັງກະລາເດັດແລະສະຖາບັນຂົງຈື້ມະຫາວິທະຍາໄລດາຄາເປັນຜູ້ຈັດຕັ້ງໂດຍມີຜູ້ແທນຂອງສະຖາບັນຂົງຈື້ແລະຫ້ອງຮຽນຂົງຈື້ແຫ່ງຕ່າງໆໃນທົ່ວປະເທດບັງກະລາເດັດເຂົ້າຮ່ວມ. ທ່ານເສິນຊ່ວງ ທີ່ປຶກສາທູດດ້ານວັດທະນະທຳສະຖານທູດຈີນປະຈຳບັງກະລາເດັດກ່າວວ່າ: ການອ່ານກະວີຈີນເປັນປະໂຫຍດຕໍ່ການເຮັດໃຫ້ປະຊາຊົນບັງກະລາເດັດໄດ້ສຳຜັດກັບສະເໜ່ຂອງວັດທະນະທຳຈີນແລະຫວັງວ່າຈະມີຄົນເຂົ້າຮ່ວມຫຼາຍກວ່າເກົ່າ ຂະນະດຽວກັນກໍເປັນການເພີ່ມທະວີການແລກປ່ຽນດ້ານວັດທະນະທຳແລະການສຶກສາລະຫວ່າງຈີນ-ບັງກະລາເດັດແລະເພີ່ມຄວາມເຂົ້າໃຈກັນລະຫວ່າງປະຊາຊົນສອງຊາດໃຫ້ເລິກເຊິ່ງກວ່າເກົ່າ.
 |
