ຕາມຂ່າວສານຈີນ: unionpayສາກົນປະກາດໃນວັນທີ 26 ກຸມພານີ້ວ່າ,ໄດ້ຮ່ວມມືກັບທະນາຄານ Metrobank ທີ່ເປັນສະຖາບັນຮັບໃບບິນໃຫຍ່ອັນດັບສອງຂອງຟິລິບປິນເພື່ອບັນລຸການເຮັດໃຫ້ນັກທຸລະກິດຂອງທະນາຄານດັ່ງກ່າວໄດ້ໃຊ້ບັດ unionpay ທີ່ສະໜັບສະໜູນການບໍລິການ "quickpass"ກ່ອນທ້າຍເດືອນກັນຍາແລະນີ້ເປັນການສະແດງໃຫ້ເຫັນວ່າ,ສະຖາບັນຮັບໃບບິນໃຫຍ່ທັງສາມແຫ່ງຂອງຟິລິບປິນໄດ້ເປີດການບໍລິການຮັບບັດ unionpay ຢ່າງຮອບດ້ານແລະຕູ້ ATM ທັງໝົດລ້ວນແຕ່ຮັບບໍລິການບັດ unionpay ເຊິ່ງຈະເຮັດໃຫ້ອັດຕານັກທຸລະກິດທີ່ຮັບບັດ unionpay ກໍຈະເພີ່ມຂຶ້ນຕື່ມອີກ.
Metrobank ແມ່ນສະຖາບັນຮັບໃບບິນໃຫຍ່ອັນດັບສອງຂອງຟິລິບປິນເຊິ່ງການຮ່ວມມືດັ່ງກ່າວຂອງສອງຝ່າຍເທື່ອນີ້ໄດ້ກວມເອົາ: ໜຶ່ງຄືບັນລຸໃຫ້ນັກທຸລະກິດຂອງທະນາຄານດັ່ງກ່າວໃນທົ່ວປະເທດຟິລິບປິນສາມາດຮັບບໍລິການບັດ unionpayໂດຍນັກທຸລະກິດເຫຼົ່ານີ້ຕົ້ນຕໍໄດ້ໂຮມສູນຢູ່ຂົງເຂດການບໍລິໂພກປະຈຳວັນເປັນຕົ້ນຮ້ານກິນດື່ມ,ຊຸບເປີມາເກັດເຊິ່ງສາມາດເຮັດໃຫ້ຜູ້ຖືບັດມີຄວາມສະບາຍໃຈໃນການຊຳລະດ້ວຍບັດ unionpayແລະສອງ ຄືການນຳໜ້າເປີດການຊຳລະແບບບໍ່ສຳຜັດຢູ່ເຄື່ອງຮູດບັດຫຼື pos ທັງໝົດຂອງທະນາຄານນີ້ເພື່ອສ້າງພື້ນຖານໃຫ້ແກ່ການປະຊາສຳພັນຜະລິດຕະພັນປະດິດສ້າງແລະການບໍລິການຂອງ unionpay ຢູ່ຟິລິບປິນໃນອະນາຄົດ.
