ຕາມຂ່າວCRI: ງານກິລາລະດູໜາວອາຊີຄັ້ງທີ 8 ທີ່ຈັດຂຶ້ນຢຢູ່ເມືອງຊາໂປໂຣປະເທດຍີ່ປຸ່ນ ໄດ້ອັດລົງໃນຕອນຄ່ຳວັນທີ 26 ກຸມພານັ້ນ ຫຼັງດຳເນີນມາ 8 ວັນ.
ງານກິລາຄັ້ງນີ້ເປັນງານຍິ່ງໃຫຍ່ກວ່າໝູ່ ໂດຍມີທີມ ແລະນັກກິລາເຂົ້າຮ່ວມຫຼາຍທີ່ສຸດໃນປະຫວັດສາດ ຄືມີນັກກິລາພັນກວ່າຄົນ ຈາກ 32 ປະເທດ ແລະເຂດແຄວ້ນໃນອາຊີໄດ້ແຂ່ງຂັນກັນໃນ 5ປະເພດ ແລະ 64 ລາຍການ.
ຕະຫຼອດໄລຍະດັ່ງກ່າວ, ນັກກິລາທີມຊາດຈີນຊິງໄດ້ 12 ຫຼຽນຄຳ, 14 ຫຼຽນເງິນ ແລະ 9 ຫຼຽນທອງເປັນທີ 3 ໃນຕາຕະລາງຫຼຽນລາງວັນ, ຂະນະທີ່ນັກກິລາທີມຊາດຍີ່ປຸ່ນ ທີມເຈົ້າພາບເປັນທີ 1 ຫຼັງຍາດໄດ້ 27 ຫຼຽນຄຳ, ທີມ ສ.ເກົາຫຼີເປັນອັນດັບສອງ ແລະທີມກາຊັກສະຖານເປັນອັນດັບ 4 ສ່ວນທີມ ສປປເກົາຫຼີຊິງໄດ້ພຽງແຕ່ 1 ຫຼຽນທອງໃນລາຍການຫຼິ້ນສະເກັດຟ້ອນ.