ຕາມຂ່າວສານຊິນຮວາ: ວັນທີ 27 ກຸມພານີ້, ຢູ່ນະຄອນຫຼວງປັກກິ່ງ, ທ່ານຈ່າງກ່າວລີ້ ກຳມະການປະຈຳກົມການເມືອງສູນກາງພັກກອມມູນິດຈີນ ຮອງນາຍົກລັດຖະມົນຕີຈີນ ໄດ້ພົບປະກັບທ່ານເຕວຈີເຮນ ຮອງນາຍົກລັດຖະມົນຕີສິງກະໂປ ແລະຮ່ວມກັນເປັນປະທານກອງປະຊຸມຄະນະກຳມະການຮ່ວມມືຈີນ-ສິງກະໂປຄັ້ງທີ 13, ກອງປະຊຸມຄັ້ງທີ 18 ຂອງສະພາມົນຕີປະສານງານຮ່ວມເຂດນິຄົມອຸດສາຫະກຳຊູໂຈວ, ກອງປະຊຸມຄັ້ງທີ 19 ຂອງສະພາມົນຕີປະສານງານຮ່ວມເມືອງນິເວດຖຽນສິນ ແລະກອງປະຊຸມຄັ້ງທີ 1 ຂອງສະພາມົນຕີປະສານງານຮ່ວມໂຄງການຕົວແບບເຊື່ອມຕໍ່ຍຸດທະສາດຈີນ-ສິງກະໂປ(ຈຸ່ງກິ່ງ).
ໃນມື້ດຽວກັນ, ສອງຝ່າຍຍັງໄດ້ແລກປ່ຽນຄວາມເຫັນກ່ຽວກັບຄວາມຄືບໜ້າການຮ່ວມມືໃນຂົງເຂດຕ່າງໆຢ່າງຮອບດ້ານ ແລະໄດ້ລົງເລິກແລກປ່ຽນຄວາມເຫັນ ແລະເປັນເອກະພາບກັນຊຸກຍູ້ການຫັນປ່ຽນຮູບການເຕີບໂຕຂອງເສດຖະກິດຕື່ມອີກ, ການຮ່ວມມືດ້ານການທະນາຄານ, ການແລກປ່ຽນລະຫວ່າງບຸກຄະລາກອນແລະວັດທະນະທຳ, ການພັດທະນາແບບຍືນຍົງ ແລະອື່ນໆ.
 |
