ຕາມຂ່າວສານຊິນຮວາ: ເຈົ້າໜ້າທີ່ໂຮງງານຈີນທີ່ ຖືກຕີຢູ່ມຽນມາ ຢືນຢັນຕໍ່ນັກຂ່າວໃນວັນທີ 26 ກຸມພານີ້ວ່າ, ຜູ້ນັດຢຸດງານທີ່ຍຶດໂຮງງານມາເປັນເວລາຫຼາຍມື້ນັ້ນ ໄດ້ຖືກສະລາຍແລ້ວ ແລະເຈົ້າໜ້າທີ່ຂອງໂຮງງານກໍສາມາດເຂົ້າໄປໄດ້, ແຕ່ວ່າອຸປະກອນໃນໂຮງງານຖືກທຳລາຍຢ່າງໜັກໜ່ວງ.
ຂ່າວແຈ້ງວ່າ, ໂຮງງານຕັດຫຍິບຈີນທີ່ຕັ້ງຢູ່ເຂດອຸດສາຫະກຳແຫ່ງໜຶ່ງໃນນະຄອນຢາງກຸ້ງ ໄດ້ຖືກກຳມະກອນທີ່ນັດຢຸດງານແລະ ຄົນພາຍນອກຫຼາຍຮ້ອຍຄົນເຂົ້າຍຶດໃນວັນທີ 23 ກຸມພານີ້, ຂະນະທີ່ຊັບສິນຂອງໂຮງງານກໍຖືກທຳລາຍ ລວມທັງຊັບສິນຂອງເຈົ້າໜ້າທີ່ສັນຊາດຈີນຫຼາຍຄົນຖືກປຸ້ນ ແລະຖືກຈຳກັດ ອິດສະຫຼະພາບ. ທັງນີ້ມາຮອດເວລາ 5 ໂມງແລງຂອງມື້ດັ່ງກ່າວ, ເຈົ້າໜ້າທີ່ສັນຊາດຈີນກໍສາມາດອອກຈາກໂຮງງານໄດ້ທັງໝົດ ຫຼັງການປະສານງານຂອງຝ່າຍຕ່າງໆ, ຂະນະທີ່ໂຮງງານຍັງຖືກກຳມະກອນທີ່ນັດຢຸດງານນັ້ນຍຶດໄວ້.
ເຈົ້າໜ້າທີ່ທີ່ຮັບຜິດຊອບແກ້ໄຂເຫດການດັ່ງກ່າວຂອງແຂວງຢາງກຸ້ງ ໃຫ້ຮູ້ວ່າ ໄດ້ຕັ້ງຂໍ້ຫາກ່ຽວກັບຄວາມເສຍຫາຍທາງຊັບສິນແລະຊີວິດໃນເຫດການ ແລະຈະລົງໂທດຕາມກົດໝາຍ.
 |
