ຕາມຂ່າວສານຊິນຮວາ: ເວລາ 13 ໂມງ 40 ນາທີຂອງວັນທີ 26 ກຸມພານີ້ຕາມເວລາທ້ອງຖິ່ນ, ຍົນໂດຍສານລຳໜຶ່ງຂອງບໍລິສັດການບິນຣັດເຊຍ ໄດ້ຕິດຂັດທາງເຕັກນິກ ຫຼັງບິນຂຶ້ນຈາກສະໜາມບິນຊຸລິສປະເທດສະວິສ, ແຕ່ຈາກນັ້ນບໍ່ພໍເທົ່າໃດ ກໍໄດ້ລົງຈອດຢ່າງປອດໄພ.
ສື່ມວນຊົນສະວິສລາຍງານວ່າ, ຫຼັງຈາກບິນຂຶ້ນສູ່ທ້ອງຟ້າບໍ່ດົນ, ໂມໂຕເບື້ອງຊ້າຍຂອງຍົນລຳນີ້ ເກີດມີສຽງຜິດປົກກະຕິ ແລະມີຄວັນອອກ. ຫຼັງຈາກນັ້ນ, ນັກບິນໄດ້ບິນວົນໄປມາຢູ່ທ້ອງຟ້າເຂດຄອນສຕັນ ພາກໃຕ້ເຢຍລະມັນເກືອບ 2 ຊົ່ວໂມງ ເພື່ອຫຼຸດວັດຖຸເຊື້ອໄຟລົງແລະເຮັດໃຫ້ນ້ຳໜັກຍົນເບົາ, ຈາກນັ້ນ ກໍໄດ້ບິນກັບຄືນລົງຈອດຢ່າງປອດໄພດີ.
 |
