ທ່ານຫວາງຢີ້ ລັດຖະມົນຕີການຕ່າງປະເທດຈີນໄດ້ພົບປະກັບທ່ານວິວິແອນ ບາລາຄຣິສນານ ລັດຖະມົນຕີການຕ່າງປະເທດສິງກະໂປຢູ່ນະຄອນຫຼວງປັກກິ່ງໃນວັນທີ 27 ກຸມພານີ້.
ທ່ານຫວາງຢີ້ກ່າວວ່າ:ໃນໂອກາດທ່ານສີຈິ້ນຜິງ ປະທານປະເທດຈີນຢ້ຽມຢາມສິງກະໂປເມື່ອປີ 2015, ສອງປະເທດເຫັນດີສ້າງສາຍພົວພັນຄູ່ຮ່ວມມືຮອບດ້ານທີ່ກ້າວໜ້າໄປພ້ອມຍຸກສະໄໝ ແລະເພື່ອເສີມຂະຫຍາຍສາຍພົວພັນຈີນ-ສິງກະໂປໃຫ້ກ້າວໜ້າໄປພ້ອມຍຸກສະໄໝໃຫ້ເປັນຮູບປະທຳ, ສອງຝ່າຍຄວນເພີ່ມທະວີການຮ່ວມມືກໍ່ສ້າງ "ໜຶ່ງແລວທາງໜຶ່ງເສັ້ນທາງ" ພ້ອມກັນຊຸກຍູ້ຂະບວນການເຊື່ອມໂຍງເຂົ້າເປັນອັນໜຶ່ງອັນດຽວກັນຂອງພາກພື້ນ, ເພີ່ມທະວີການກໍ່ສ້າງປະຊາຄົມຮ່ວມຊະຕາກຳຈີນ-ອາຊຽນໃຫ້ແໜ້ນແຟ້ນຍິ່ງຂຶ້ນ. ຈາກນີ້ກໍຫວັງວ່າ ສິງກະໂປຈະເສີມຂະຫຍາຍບົດບາດຢ່າງສ້າງສັນໃນການເປັນປະເທດປະສານງານສາຍພົວພັນຈີນ-ອາຊຽນ,ເສີມຂະຫຍາຍສາຍພົວພັນຈີນ-ອາຊຽນໃຫ້ພັດທະນາຫຼາຍຂຶ້ນ ທັງສົ່ງເສີມສັນຕິພາບ,ສະຖຽນລະພາບແລະຄວາມຈະເລີນຮຸ່ງເຮືອງຂອງພາກພື້ນ.
ທ່ານວິວິແອນຢືນຢັນວ່າ ສິງກະໂປສະໜັບສະໜູນການຈະເລີນເຕີບໂຕຂອງຈີນ100% ແລະໃຫ້ຄວາມສຳຄັນສູງຕໍ່ການເສີມຂະຫຍາຍສາຍພົວພັນກັບຈີນ ທັງຍິນດີກາຍເປັນຄູ່ຮ່ວມມືໄລຍະຍາວທີ່ໜ້າເຊື່ອຖືໄດ້.