ທ່ານໂດນັນ ທຣຳ ປະທານາທິບໍດີອາເມລິກາຢືນຢັນໃນວັນທີ 27 ກຸມພານີ້ວ່າ ຈະເພີ່ມງົບປະມານປ້ອງກັນຊາດສູງຂຶ້ນຕາມແຜນທີ່ຍື່ນໃຫ້ລັດຖະສະພາ ເພື່ອສ້າງກຳລັງການທະຫານອາເມລິກາຄືນໃໝ່.
ທ່ານທຣຳກ່າວວ່າ, ແນວໃດກໍດີກໍຈະຫາຊ່ອງທາງປະຢັດເງິນທັງຍົກສູງປະສິດທິພາບຢູ່ຂະແໜງການອື່ນໃນລັດຖະບານເພື່ອເພີ່ມໃຫ້ແກ່ງົບປະມານປ້ອງກັນຊາດ. ຂະນະດຽວກັນກໍຈະເພີ່ມງົບປະມານເຂົ້າໃນການປະຕິບັດກົດໝາຍແລະການກໍ່ສ້າງພື້ນຖານໂຄງລ່າງຕື່ມອີກ.
ສື່ມວນຊົນອາເມລິກາໄດ້ອ້າງຕາມການເປີດເຜີຍຂອງເຈົ້າໜ້າທີ່ທີ່ບໍ່ປະສົງອອກນາມຜູ້ໜຶ່ງຂອງກົມຄຸ້ມຄອງງົບປະມານທຳນຽບຂາວອາເມລິກາໂດຍລາຍງານໃນວັນດັ່ງກ່າວວ່າ: ທ່ານທຣຳມີແຜນຈະເພີ່ມງົບປະມານປ້ອງກັນຊາດຂຶ້ນ 10% ຄືປະມານ 54 ຕື້ໂດລາສະຫະລັດ ເຊິ່ງເງິນກ້ອນນີ້ຈະໄດ້ຈາກການຕັດລາຍຈ່າຍທີ່ບໍ່ແມ່ນການປ້ອງກັນຊາດ. ຈາກນີ້, ງົບປະມານທີ່ມີບຸລິມະສິດໃນລະດັບໃດໜຶ່ງແລະລາຍຈ່າຍໃນການຊ່ວຍເຫຼືອຕ່າງປະເທດນັ້ນຈະຖືກຕັດລົງຢ່າງຫຼວງຫຼາຍ.