ຕາມຂ່າວສານຈີນ:ໃນການຖະແຫຼງຂ່າວທີ່ຈັດຂຶ້ນໃນວັນທີ 27 ກຸມພານີ້,ມີນັກຂ່າວຖາມວ່າ, ຫວ່າງມໍ່ໆນີ້,ທ່ານເຕວ ຈີຮີນ ຮອງນາຍົກລັດຖະມົນຕີສິງກະໂປໄດ້ກ່າວໃນໂອກາດໃຫ້ສຳພາດຕໍ່ສື່ຈີນວ່າ,ປະເທດຕົນເດັດດ່ຽວສຸມກຳລັງຮັດແໜ້ນການພົວພັນອາຊຽນ-ຈີນໂດຍຈະຊຸກຍູ້ການເຊື່ອມຕໍ່ລະຫວ່າງຂໍ້ລິເລີ່ມ "ໜຶ່ງແລວທາງໜຶ່ງເສັ້ນທາງ"ແລະແຜນແມ່ບົດການເຊື່ອມໂຍງອາຊຽນພ້ອມທັງຍິນດີຕ້ອນຮັບວິສາຫະກິດຈີນເຂົ້າຮ່ວມແຂ່ງຂັນປະມູນທາງລົດໄຟຄວາມໄວສູງສິງກະໂປ-ກົວລາລຳເປີ.ຈີນມີຄວາມເຫັນແນວໃດຕໍ່ເລື່ອງນີ້?
ທ່ານເກິງສວາງ ໂຄສົກກະຊວງການຕ່າງປະເທດຈີນກ່າວຕໍ່ບັນຫານີ້ວ່າ, "ທາງລົດໄຟຄວາມໄວສູງມາເລເຊຍ-ສິງກະໂປມີຄວາມໝາຍຕໍ່ການຊຸກຍູ້ການເຊື່ອມໂຍງພາກພື້ນແລະເປັນໂຄງການຮ່ວມມືສຳຄັນທີ່ບົ່ມຊ້ອນທີ່ນອນຢູ່ໃນຂອບ 'ໜຶ່ງແລວທາງໜຶ່ງເສັ້ນທາງ'".ທັງນີ້ "ພວກຂ້າພະເຈົ້າດີໃຈທີ່ເຫັນວ່າ,ສິງກະໂປແລະມາເລເຊຍລ້ວນແຕ່ເຫັນຄວາມສາມາດຕົວຈິງແລະຄວາມສາມາດແກ້ງແຍ້ງຂອງຈີນໃນຂົງເຂດທາງລົດໄຟຄວາມໄວສູງແລະລ້ວນແຕ່ກ່າວສະແດງຄວາມຍິນດີຕ້ອນຮັບວິສາຫະກິດຈີນເຂົ້າຮ່ວມແຂ່ງຂັນປະມູນແລະກໍເຊື່ອວ່າສິງກະໂປແລະມາເລເຊຍຈະສືບຕໍ່ສະໜັບສະໜູນ."
 |
