ຕາມຂ່າວສານຊິນຮວາ:ສື່ຣັດເຊຍລາຍງານໃນວັນທີ 27 ກຸມພານີ້ວ່າ,ຫວ່າງມໍ່ໆນີ້,ຄະນະມົນຕີ "ສາທາລະນະລັດລູຮານ"ທີ່ຕັ້ງຢູ່ພາກຕາເວັນອອກອູແກຣນໄດ້ຜ່ານມະຕິວ່າ,ເພື່ອເຮັດໃຫ້ເງິນຕາທ້ອງຖິ່ນມີຄວາມໝັ້ນທ່ຽງແລະການປະຕິບັດໜ້າທີ່ຂອງລະບົບການທະນາຄານແລະການຊື້ຂາຍດ້ານການທະນາຄານເປັນປົກກະຕິນັ້ນຈະຖືເອົາເງິນຣຸບຣັດເຊຍເປັນ "ເງິນຕາພື້ນຖານ"ແລະ "ເງິນຕາທາງການ"ພາຍໃນ "ສາທາລະນະລັດລູຮານ"ເລີ່ມແຕ່ວັນທີ 1 ມີນາເປັນຕົ້ນໄປ.
ສະຖານີໂທລະພາບຫຼັກຂອງຣັດເຊຍລາຍງານວ່າ,ກ່ອນໜ້ານີ້, "ສາທາລະນະລັດລູຮານ"ແລະ "ສາທາລະນະລັດດົນເນັດສະກາຢາ"ທີ່ຢູ່ພາກຕາເວັນອອກອູແກຣນໄດ້ເນັ້ນວ່າ,ຖ້າເຈົ້າໜ້າທີ່ກີແອັບບໍ່ຍົກເລີກການອັດຕັນຕໍ່ພາກຕາເວັນອອກ,ທັງສອງທ້ອງຖິ່ນອາດຈະໃຊ້ມາດຕະການອື່ນໆ.
ປັດຈຸບັນ,ເງິນກຣິຟນາຄືເງິນຕາອູແກຣນບໍ່ຄ່ອຍໄດ້ຈໍລະຈອນຢູ່ພາກຕາເວັນອອກອູແກຣນແລ້ວ.
 |
