ຕາມຂ່າວສານຊິນຮວາ: ຈາກຄວາມຜິດພາດທີ່ເກີດຂຶ້ນໃນພິທີມອບລາງວັນຮູບເງົາດີເດັ່ນໃນງານມອບລາງວັນອອສກາຄັ້ງທີ 89, ບໍລິສັດ PWC ທີ່ຮັບຜິດຊອບວຽກງານນັບບັດຂອງງານມອບລາງວັນຄັ້ງນີ້ໄດ້ອອກມາຂໍໂທດແລ້ວໃນວັນທີ 27 ກຸມພານີ້.
ຈາກການຮັບຊ່ອງປະກາດຜົນໃນໄລຍະທ້າຍຂອງງານມອບລາງວັນອອສກາທີ່ຈັດຂຶ້ນໃນວັນທີ 26 ກຸມພາ, ແຂກມອບລາງວັນກໍໄດ້ປະກາດຊື່ຮູບເງົາດີເດັ່ນເປັນ "La la land" ເຊິ່ງຄວາມຈິງແລ້ວແມ່ນຮູບເງົາເລື່ອງ "Moonlight" ພາໃຫ້ເກີດຄວາມຜິດພາດທີ່ເຫັນຍາກໃນປະຫວັດສາດຂອງງານ, ຂະນະທີ່ຜູ້ຊົມ ແລະສື່ມວນຊົນທົ່ວໂລກຕ່າງໆຮູ້ສຶກມຶນງົງໄປຕາມໆກັນ.
ບໍລິສັດ PWC ໄດ້ອອກມາຂໍໂທດຢ່າງຈິງໃຈຕໍ່ແຂກມອບລາງວັນສອງທ່ານ, ຜູ້ຊົມທາງໂທລະພາບ ແລະທີມງານຮູບເງົາ ຈາກ Twitter ໂດຍກ່າວວ່າຈະຊອກຫາມູນເຫດທີ່ພາໃຫ້ເກີດຄວາມຜິດພາດ.