ຕາມຂ່າວສານຊິນຮວາ: ເຈົ້າໜ້າທີ່ຕຳຫຼວດມາເລເຊຍ ກ່າວໃນວັນທີ 28 ກຸມພານີ້ວ່າ ພວມຖອນໃບອະນຸຍາດດຳເນີນທຸລະກິດຂອງສອງບໍລິສັດການຄ້າຕາມລະບຽບການ ເຊິ່ງກ່ອນໜ້ານີ້, ສອງບໍລິສັດດັ່ງກ່າວຖືກສົງໄສຄ້າຂາຍອຸປະກອນການທະຫານທີ່ເລິກລັບໃຫ້ແກ່ລັດຖະບານສປປເກົາຫຼີຢູ່ມາເລເຊຍ.
ທ່ານ ຮາລິດ ອາບູ ບາຄາ ຜູ້ບັນຊາການຕຳຫຼວດແຫ່ງຊາດມາເລເຊຍ ບໍ່ໄດ້ອະທິບາຍເຖິງສາເຫດຂອງການຖອນໃບອະນຸຍາດຂອງສອງບໍລິສັດດັ່ງກ່າວວ່າ ພົວພັນກັບເຫດການຄ້າຂາຍອຸປະກອນການທະຫານຂອງສປປເກົາຫຼີ, ແຕ່ເຈົ້າໜ້າທີ່ຕຳຫຼວດປະເທດຕົນ ກໍພວມຕິດຕາມເຫດການນີ້ ແລະໄດ້ໃຊ້ມາດຕະການປ້ອງກັນບໍ່ໃຫ້ປະເທດຕົນຖືກນຳໃຊ້ດຳເນີນກິດຈະກຳທີ່ຈະທຳລາຍຄວາມໝັ້ນຄົງຂອງຊາດ. ແນວໃດກໍດີ, ປະເທດຕົນໄດ້ໃຊ້ມາດຕະການທີ່ຈຳເປັນແລ້ວເພື່ອເຄົາລົບສົນທິສັນຍາແລະຂໍ້ກຳນົດສາກົນທີ່ກ່ຽວຂ້ອງ.
ກ່ອໜ້ານີ້ ມີສື່ມວນຊົນລາຍງານວ່າ, ສອງບໍລິສັດດັ່ງກ່າວໄດ້ຕັ້ງບໍລິສັດ Glocom ເພື່ອຄ້າຂາຍອຸປະກອນໂທລະຄົມການທະຫານຢູ່ມາເລເຊຍ.