ຕາມຂ່າວສານຊິນຮວາ: ວັນທີ 27 ກຸມພານີ້, ສະພາມົນຕີສະຫະພາບເອີຣົບ ໄດ້ປະກາດມາດຕະການ ຂວ້ຳບາດສປປເກົາຫຼີ ຄັ້ງໃໝ່ ລວມທັງຫ້າມການຄ້າຂາຍຜະລິດຕະພັນໂລຫະຈຳນວນໜຶ່ງແລະຢຸດຕິການຮ່ວມມືດ້ານວິທະຍາສາດເຕັກນິກ, ຂະນະທີ່ການສົ່ງອອກຍົນເຮລີກົບແຕແລະເຮືອໃໝ່ໃຫ້ສປປເກົາຫຼີກໍຖືກຫ້າມເຊັ່ນດຽວກັນ.
ສິ່ງທີ່ໜ້າສົນໃຈຄື, ພຽງແຕ່ເຄິ່ງເດືອນ ສະຫະພາບເອີຣົບກໍໄດ້ປະກາດຂວ້ຳບາດເທື່ອນີ້ ຫຼັງສປປເກົາຫຼີຍິງຂີປະນາວຸດໄລຍະກາງຄັ້ງຫຼ້າສຸດ ໂດຍຂ່າວສານສູນກາງສປປເກົາຫຼີລາຍງານວ່າ, ປະເທດຕົນໄດ້ປະສົບຜົນສຳເລັດໃນການຍິງຂີປະນາວຸດຍຸດທະສາດໄລຍະກາງແບບໜ້າດິນສູ່ໜ້າດິນໃນວັນທີ 12 ກຸມພານີ້.
ສະພາມົນຕີສະຫະພາບເອີຣົບຖະແຫຼງວ່າ, ມາດຕະການຂວ້ຳບາດໃໝ່ເຫຼົ່ານີ້ ເປັນການຈັດຕັ້ງປະຕິບັດຕາມມະຕິເລກ 2321 ຂອງສະພາຄວາມໝັ້ນຄົງອົງການສະຫະປະຊາຊາດ.