ກະຊວງປ້ອງກັນປະເທດ ສ ເກົາຫຼີຖະແຫຼງວ່າ: ການຊ້ອມຮົບຮ່ວມ ສ ເກົາຫຼີ-ອາເມລິກາໃນລະຫັດ "Foal Eagle"ເລີ່ມຂຶ້ນໃນວັນທີ 1 ມີນານີ້ ຂະນະທີ່ໃນມື້ດຽວກັນ,ລັດຖະມົນຕີປ້ອງກັນປະເທດຂອງສອງປະເທດໄດ້ສົນທະນາທາງໂທລະສັບໂດຍຢືນຢັນຈະຮັບມືກັບການທ້າທາຍຂອງສປປ ເກົາຫຼີຢ່າງເຂັ້ມແຂງ.
ການຊ້ອມຮົບຮ່ວມ "Foal Eagle" ປີນີ້ຈະດຳເນີນເປັນເວລາສອງເດືອນ ແລະເປັນຄັ້ງຍິ່ງໃຫຍ່ກວ່າທຸກຄັ້ງຜ່ານມາໂດຍອາເມລິກາຈະສົ່ງກຳປັ່ນບັນທຸກເຮືອບິນແມ່ແຮງນິວເຄລຍ "Carl Vinson"ແລະອາວຸດຍຸດໂທປະກອນອື່ນໆເຂົ້າຮ່ວມ. ສ່ວນຫາງສຽງແລະນັກວິຊາການ ສ ເກົາຫຼີເຫັນວ່າ ນັບແຕ່ມື້ທຳອິດຂອງການຊ້ອມຮົບຮ່ວມ ສ ເກົາຫຼີ-ອາເມລິກາໄດ້ເຮັດໃຫ້ສະຖານະການແຫຼມເກົາຫຼີຕົກຢູ່ໃນສະພາບເຄັ່ງຕຶງທີ່ສຸດ.