ວັນທີ 28 ກຸມພານີ້, ລັດຖະບານປາແລັສຕິນໄດ້ປະກາດຈະດຳເນີນການເລືອກຕັ້ງຢູ່ເຂດແຄມຝັ່ງຕາເວັນຕົກແມ່ນ້ຳຈໍແດນໃນວັນທີ 13 ພຶດສະພາປີນີ້ ເຊິ່ງເປັນຜົນມາຈາກການຕໍ່ຕ້ານຈາກກຸ່ມຮາມັສຢູ່ປະເທດດັ່ງກ່າວ ຈຶ່ງຈະບໍ່ໄດ້ດຳເນີນການເລືອກຕັ້ງຢູ່ເຂດກາຊາທີ່ຢູ່ພາຍໃຕ້ການຄວບຄຸມຂອງກຸ່ມຮາມັສ.
ຫຼັງຈາກກອງປະຊຸມຄະນະລັດຖະບານທີ່ຈັດຂຶ້ນໃນມື້ດັ່ງກ່າວ, ລັດຖະບານປາແລັສຕິນໄດ້ອອກຖະແຫຼງການ ໂດຍປະກາດຕົກລົງເລື່ອງດັ່ງກ່າວ, ແຕ່ຖະແຫຼງການບໍ່ໄດ້ລະບຸວ່າການເລືອກຕັ້ງຈະຈັດຂຶ້ນຢູ່ເຢລູຊາເລັມຕາເວັນອອກຫຼືບໍ່.
 |
