ວັນທີ 28 ກຸມພານີ້, ທ່ານນາງ ອາມີນາ ໂມຮຳເມັດ ຮອງເລຂາທິການໃຫຍ່ປະຈຳອົງການສະຫະປະຊາຊາດໄດ້ສາບານຕົວຂຶ້ນຮັບຕຳແໜ່ງຢູ່ສຳນັກງານໃຫຍ່ນິວຢອກ, ໂດຍໄດ້ໃຫ້ຄຳໝັ້ນສັນຍາວ່າຈະສະໜັບສະໜູນວຽກງານຂອງເລຂາທິການໃຫຍ່ຫຼາຍດ້ານເຊັ່ນ: ການພັດທະນາແບບຍືນຍົງ,ຄວາມສະເໝີພາບລະຫວ່າງຍິງຊາຍແລະບັນຫາຊາວໜຸ່ມເປັນຕົ້ນ.
ຂະນະດຽວກັນ ທ່ານກໍ່ໄດ້ກ່າວຕໍ່ສື່ມວນຊົນວ່າ: ຖືກກັບຄຳເວົ້າຂອງທ່ານ ອັນໂທນີໂອ ກູເຕີເຣັສທີ່ວ່າ: ການພັດທະນາແບບຍືນຍົງບໍ່ແມ່ນຈຸດປະສົງ, ແຕ່ກໍແມ່ນວິທີດີທີ່ສຸດໃນການບັນລຸສັນຕິພາບຮອບດ້ານ ແລະ ເພື່ອເປົ້າໝາຍດັ່ງກ່າວ, ຕົນຈະສຸມກຳລັງແຮງແລະສະຕິປັນຍາຊ່ວຍເລຂາທິການໃຫຍ່ຂອງອົງການສະຫະປະຊາຊາດເພື່ອຊຸກຍູ້ການພັດທະນາແບບຍືນຍົງ, ສະໜັບສະໜູນເລຂາທິການໃຫຍ່ກວດກາລະບົບການພັດທະນາຂອງອົງການສະຫະປະຊາຊາດຢ່າງຮອບດ້ານ. ນອກນີ້, ກໍຈະພະຍາຍາມຊຸກຍູ້ຄວາມສະເໝີພາບລະຫວ່າງຍິງຊາຍແລະການເພີ່ມສິດໃຫ້ຊາວໜຸ່ມແລະບັນຫາອື່ນໆໃຫ້ມີຄວາມຄືບໜ້າ.