ຕາມຂ່າວສານຊິນຮວາ:ທ່ານສູຫົງຢູ ຜູ້ຈັດການພະແນກການຕະຫຼາດສຳນັກງານໃຫຍ່ທະນາຄານການາເດຍລາຊະອານາຈັກກຳປູເຈຍກ່າວຕໍ່ສື່ທ້ອງຖິ່ນໃນວັນທີ 28 ກຸມພາຜ່ານມານີ້ວ່າ,ທະນາຄານຕົນຈະເປີດບໍລິການເງິນຝາກແລະກູ້ຢືມເງິນຢວນເປັນຄັ້ງທຳອິດນັບແຕ່ວັນທີ 1 ມີນາເປັນຕົ້ນໄປເພື່ອຊ່ວຍຊຸກຍູ້ການຈໍລະຈອນເງິນຢວນຢູ່ປະເທດຕົນແລະຮັບໃຊ້ການພົວພັນກັນທາງການຄ້າລະຫວ່າງສອງປະເທດ.ການບໍລິການຝາກເງິນຢວນທີ່ເປີດເປັນຄັ້ງທຳອິດນີ້ມີຫຼາຍຮູບແບບເປັນຕົ້ນການຝາກເງິນຢວນແບບປະຢັດ,ການຊຳລະສະສາງ,ການຝາກປະຈຳແລະອື່ນໆເຊິ່ງເນັ້ນບໍລິການທັງລູກຄ້າພາຍໃນປະເທດກໍຄືນັກລົງທຶນແລະນັກທ່ອງທ່ຽວຈີນພ້ອມທັງສ້າງທ່າແຮງໃນປະເພດການບໍລິການເງິນຢວນແລະດອກເບ້ຍເງິນຝາກ.
ທ່ານເສິນສາງຈ່ຽງ ຫົວໜ້າທະນາຄານຈີນຫຼື BOC ສາຂາພະນົມເປັນກ່າວຕໍ່ນັກຂ່າວວ່າ,ສະແດງຄວາມຍິນດີແລະດີໃຈທີ່ເງິນຢວນໄດ້ກ້າວສູ່ສາກົນ,ພ້ອມທັງເປັນການເລັງໃສ່ທ່ວງທ່າການພັດທະນາເສດຖະກິດໂລກໃນອະນາຄົດທັງເປັນຜົນດີຕໍ່ການພັດທະນາເສດຖະກິດປະເທດກຳປູເຈຍຕື່ມອີກ.
ທະນາຄານການາເດຍແມ່ນໜຶ່ງໃນທະນາຄານທຸລະກິດທີ່ໃຫຍ່ກວ່າໝູ່ຂອງກຳປູເຈຍ.
 |
