ຕາມຂ່າວສານຊິນຮວາ:ສື່ຝຣັ່ງລາຍງານວ່າ,ໃນຂະນະທີ່ທ່ານຝຣັ່ງຊົວ ໂອນລອງ ປະທານາທິບໍດີຝຣັ່ງກ່າວປາໄສໃນພິທີລົງມືກໍ່ສ້າງທາງລົດໄຟຄວາມໄວສູງຢູ່ພາກຕາເວັນຕົກສຽງໃຕ້ປະເທດຕົນ,ຕຳຫຼວດພິເສດທີ່ຮັບຜິດຊອບການປ້ອງກັນຄວາມສະຫງົບຜູ້ໜຶ່ງໄດ້ເຮັດປືນລັກລັ່ນສົ່ງຜົນເຮັດໃຫ້ສອງຄົນບາດເຈັບເລັກໜ້ອຍ.
ສະຖານີໂທລະພາບຝຣັ່ງລາຍງານວ່າ,ເຫດການປືນລັກລັ່ນດັ່ງກ່າວບໍ່ໄດ້ເຮັດໃຫ້ເກີດເຫດວຸ້ນວາຍ,ພຽງແຕ່ຂະນະນັ້ນທ່ານໂອນລອງໄດ້ຢຸດການກ່າວປາໄສຊົ່ວຄາວຫຼັງຍິນສຽງປືນຈາກນັ້ນກໍໄດ້ກ່າວວ່າ, "ຫວັງວ່າບໍ່ມີເຫດການຮ້າຍແຮງເກີດຂຶ້ນ",ແລະສືບຕໍ່ກ່າວປາໄສ.ໜັງສືພິມ Le Parisien ລາຍງານວ່າ,ຫຼັງກ່າວປາໄສທ່ານໂອນລອງໄດ້ເດີນທາງໄປຢາມຜູ້ບາດເຈັບ.
ຂ່າວລາຍງານວ່າ,ເຈົ້າໜ້າທີ່ໄອຍະການທ້ອງຖິ່ນຝຣັ່ງໄດ້ຍື່ນມືເຂົ້າມາສືບສວນສາເຫດເຫດດັ່ງກ່າວນີ້ແລ້ວ.
 |
