ຕາມຂ່າວສານຊິນຮວາ: ສະຖານກົງສຸນໃຫຍ່ຈີນປະຈຳເມືອງໂລສແອງເຈີລີສຂອງອາເມລິກາກັບມູນນິທິຣີຊາດ ນິກຊັນອາເມລິກາໄດ້ຈັດພິທີລະນຶກເຖິງທ່ານຣີຊາດ ນິກຊັນ ອະດີດປະທານາທິບໍດີອາເມລິກາທີ່ເດີນທາງຢ້ຽມຢາມຈີນ ກໍຄື "ຖະແຫຼງການຊຽງໄຮ" ຄົບຮອບ 45 ປີ ຢູ່ຫໍສະໝຸດນິກຊົງທີ່ເມືອງຢໍບາ ລິນດາ ລັດກາຣີໂຟເນຍຂອງອາເມລິກາໃນວັນທີ 28 ກຸມພາຜ່ານມາ.
ທ່ານຫຼິວຈ້ຽນ ກົງສຸນໃຫຍ່ຈີນປະຈຳໂລສແອງເຈີລີສກ່າວໃນພິທີວ່າ, "ຖະແຫຼງການຊຽງໄຮ" ໄດ້ຢືນຢັນຫຼັກໝັ້ນປະເທດຈີນດຽວ ທີ່ເຕັມໄປດ້ວຍຄວາມໝາຍທາງປະຫວັດສາດຢ່າງເລິກເຊິ່ງ. ພາຍຫຼັງຈີນແລະອາເມລິກາສ້າງສາຍສຳພັນທາງການທູດໃນປີ 1979 ແລະຕະຫຼອດໄລຍະ 38 ປີຜ່ານມາ, ການພົວພັນລະຫວ່າງສອງປະເທດໄດ້ລື່ນກາຍຂອບເຂດປະຫວັດສາດການພົວພັນລະຫວ່າງສອງຝ່າຍ, ປະຊາຄົມໂລກຕ່າງກໍຫວັງໃຫ້ການພົວພັນຈີນ-ອາເມລິກາໝັ້ນຄົງແລະດີງາມ.
ວັນທີ 28 ກຸມພາ 1972, ຈີນແລະອາເມລິກາຮ່ວມກັນອອກ ຖະແຫຼງການຮ່ວມສະບັບທຳອິດລະຫວ່າງສອງປະເທດ ນັ້ນກໍຄື "ຖະແຫຼງການຊຽງໄຮ" ໂດຍລະບຸວ່າ ອາເມລິກາໄດ້ຮັບຮອງວ່າ "ໃນໂລກນີ້ມີແຕ່ປະເທດຈີນດຽວ" ແລະ "ໄຕ້ຫວັນເປັນສ່ວນໜຶ່ງຂອງຈີນ" ຢ່າງຈະແຈ້ງ.
 |
