ຕາມຂ່າວສານຈີນ: UnionPay ສາກົນຈີນເປີດເຜີຍໃນວັນທີ 1 ມີນານີ້ວ່າ, ໄດ້ຮ່ວມມືກັບບໍລິສັດ OmniPay ຟີລິບປິນ ອອກບັດທະນາຄານຄົນເມືອງນະຄອນຫຼວງມະນີລາບັດທຳອິດ ແລະບັດ UnionPay ຈະເປັນບັດທະນາຄານພຽງໜຶ່ງດຽວສຳລັບອຳນາດການປົກຄອງນະຄອນຫຼວງມະນີລາໃນການປ່ອຍເງິນອຸດໜູນປະເພດຕ່າງໆໃຫ້ແກ່ຄົນເມືອງຫຼວງ.
ບໍລິສັດ OmniPay ເປັນອົງການທະນາຄານທີ່ມີສິດອອກບັດ UnionPay ທີ່ໃຫຍ່ທີ່ສຸດຂອງຟີລິບປິນ ເຊິ່ງການຮ່ວມມືກັບ UnionPay ສາກົນ ເນັ້ນ ຮ່ວມກັນອອກບັດຄົນເມືອງນະຄອນຫຼວງມະນີລາຍີ່ຫໍ້ UnionPay ເຊິ່ງເປັນບັດທະນາຄານຊຳລະເງິນສາກົນ, ສາມາດໃຊ້ໄດ້ໃນ 160 ກວ່າປະເທດແລະເຂດແຄວ້ນທີ່ມີລະບົບການບໍລິການຂອງ UnionPay.
ປັດຈຸບັນ, 10 ປະເທດໃນອາຊຽນໄດ້ອອກບັດ ແລະໃຫ້ບໍລິການ UnionPay ເຊິ່ງການບໍລິການຂອງ UnionPay ຢູ່ປະເທດເຫຼົ່ານີ້ນັບມື້ຕິດແທດຕົວຈິງກັບຊີວິດປະຈຳວັນຂອງປະຊາຊົນ.