ກອງປະຊຸມວຽກງານທາງທະເລແລະການປະມົງແຂວງໄຫຫຼຳຈີນໄດ້ຢືນຢັນໃນວັນທີ 1 ມີນານີ້ວ່າ: ແຂວງຕົນຈະປິ່ນປ້ອມການກໍ່ສ້າງ "ວົງຮ່ວມມືເສດຖະກິດທະເລຈີນໃຕ້"ໂດຍສົ່ງເສີມການຮ່ວມມືກັບປະເທດອ້ອມຂ້າງຢູ່ທະເລຈີນໃຕ້ໃນຂະແໜງການຕ່າງໆເປັນຕົ້ນ ການຄ້າການປຸງແຕ່ງຜະລິດຕະພັນສິນໃນນ້ຳ, ການຂົນສົ່ງສິນໃນນ້ຳແຊ່ແຂງແລະການຮັບເໝົາປຸງແຕ່ງ.
ທ່ານຈ່າງຈຸ່ນ ຫົວໜ້າພະແນກການທະເລແລະການປະມົງແຂວງໄຫຫຼຳກ່າວວ່າ: ແຂວງຕົນຈະສ້າງຕັ້ງແລະປັບປຸງລະບົບຕະຫຼາດຜະລິດຕະພັນສິນໃນນ້ຳໃຫ້ສົມບູນ ເພື່ອກ້າວໄປສູ່ການສ້າງແຂວງຕົນໃຫ້ເປັນສູນຊື້ຂາຍຜະລິດຕະພັນສິນໃນນ້ຳທີ່ໃຫຍ່ທີ່ສຸດໃນເຂດທະເລຈີນໃຕ້ແລະສ້າງຕັ້ງເວັບໄຊຊື້ຂາຍຜະລິດຕະພັນສິນໃນນ້ຳຂຶ້ນ. ຂະນະດຽວກັນກໍເນັ້ນສົ່ງເສີມການເຮັດໃຫ້ການບໍລິໂພກສິນໃນນ້ຳເຊື່ອມໂຍງເຂົ້າກັບການທ່ອງທ່ຽວທົ່ວເຂດແຄວ້ນຢ່າງກົມກຽວເພື່ອສ້າງຍີ່ຫໍ້ສາທາລະນະໃນພາກພື້ນ. ເຊັ່ນດຽວກັນໃນປີນີ້, ແຂວງຕົນຈະຫຼຸດຜ່ອນການຫາປາຢູ່ທະເລໃກ້, ສົ່ງເສີມການກວດກາປະເພດເຮືອຫາປາທີ່ບໍ່ໄດ້ນຳໃຊ້ເຂົ້າອູ່ ແລະຊຸກຍູ້ການປະຕິບັດໂຄງການຍົກລະດັບເຮືອຫາປາຂອງເກາະນານຊ່າ, ສົ່ງເສີມການພັດທະນາການຫາປາຢູ່ນອກທະເລແລະທະເລໄກ ທັງສະໜັບສະໜູນຊາວປະມົງຫຼຸດຈຳນວນເຮືອຫາປາໂດຍຫັນໄປຜະລິດອື່ນໆ.