ເລີ່ມໂຄສະນາຈຳໜ່າຍປື້ມ "ພາທ່ານທ່ຽວປັກກິ່ງ"ຢູ່ນະຄອນຫຼວງເນປີດໍເປັນພາສາມຽນມາ
ການໂຄສະນາຂາຍແຜນທີ່ຊີ້ທາງການທ່ອງທ່ຽວຈີນທີ່ຮຽບຮຽງແປເປັນພາສາມຽນມາແລະຜະລິດເປັນປື້ມເຫຼັ້ມທຳອິດໄດ້ຈັດຂຶ້ນຢູ່ສູນປະຊຸມສາກົນທີສອງນະຄອນຫຼວງເນປີດໍປະເທດມຽນມາໃນວັນທີ 1 ມີນານີ້.
ຈາກການຈັດກິດຈະກຳດັ່ງກ່າວ ໃນສະຖານທີ່ຈັດກອງປະຊຸມເວທີປຶກສາຫາລືການຮ່ວມມືດ້ານການທ່ອງທ່ຽວຈີນ-ມຽນມາ ແລະຫ້ອງວາງສະແດງແລະໂຄສະນາຈຳໜ່າຍປື້ມໃໝ່ນັ້ນສາມາດດຶງດູດຄວາມສົນໃຈຈາກບັນດາແຂກຜູ້ມີກຽດໄດ້ເປັນຢ່າງດີ. ທ່ານ ຕູ້ຈ່ຽງ ຮອງຫົວໜ້າກົມທ່ອງທ່ຽວແຫ່ງຊາດຈີນທີ່ເຂົ້າຮ່ວມເວທີປຶກສາຫາລືດັ່ງກ່າວເປີດເຜີຍວ່າ: ການທ່ອງທ່ຽວແມ່ນຊ່ອງທາງສຳຄັນທີ່ສຸດໃນການເພີ່ມທະວີຄວາມເຂົ້າໃຈລະຫວ່າງປະຊາຊົນສອງປະເທດ ທັງແມ່ນພື້ນຖານຂອງຄວາມເປັນເອກະພາບໃນການເພີ່ມທະວີສາຍພົວພັນທາງການທູດທີ່ມີໄມຕີຈິດມິດຕະພາບລະຫວ່າງສອງປະເທດຕື່ມອີກ. ການໂຄສະນາຈຳໜ່າຍປື້ມດັ່ງກ່າວຈະເສີມຂະຫຍາຍບົດບາດທີ່ໃຫຍ່ຫຼວງໃນການເພີ່ມທະວີການໄປມາຫາສູ່ກັນແລະການແລກປ່ຽນດ້ານວັດທະນະທຳລະຫວ່າງປະຊາຊົນ ແລະ ສົ່ງເສີມສາຍພົວພັນລະຫວ່າງສອງປະເທດໃຫ້ດີຂຶ້ນ.
ປື້ມ "ພາທ່ານທ່ຽວປັກກິ່ງ" ສະບັບພາສາມຽນມາຮຽບຮຽງແລະພິມໂດຍວິທະຍຸສາກົນແຫ່ງປະເທດຈີນເຫຼັ້ມນີ້ໄດ້ບັນລະຍາຍສະພາບໂດຍຫຍໍ້ແລະປະຫວັດສາດຂອງປັກກິ່ງ, ແຫຼ່ງທ່ອງທ່ຽວຍອດນິຍົມ, ສະຖາປັດຕະຍະກຳບູຮານທາງພຸດທະສາສະໜາ, ການອອກເດີນທາງ ວິທີການຊື້ສິນຄ້າແລະອື່ນໆ.