ວັນທີ 1 ມີນານີ້, ຢູ່ເທສະບານນະຄອນຫຼວງກາບູນປະເທດອັຟການີສະຖານໄດ້ເກີດເຫດລະເບີດຕໍ່ເນື່ອງສອງເທື່ອແລະຫຼັງເກີດເຫດ, ເຈົ້າໜ້າທີ່ກະຊວງສາທາລະນະສຸກປະເທດດັ່ງກ່າວໄດ້ຢັ້ງຢືນວ່າ: ປັດຈຸບັນມີ ປະຊາຊົນຢ່າງໜ້ອຍ 16 ຄົນເສຍຊີວິດ ແລະ 59 ຄົນບາດເຈັບເຊິ່ງມີທັງແມ່ຍິງແລະເດັກນ້ອຍ.
ເຫດລະເບີດເທື່ອທຳອິດເກີດຂຶ້ນໃນເວລາ 12 ໂມງ 40 ນາທີຂອງວັນທີ 1 ມີນານີ້ ຢູ່ສະຖານທີ່ໃກ້ເຂດຕຳຫຼວດທີ 6 ທາງພາກຕາເວັນຕົກຂອງກາບູນແລະຖັດມາໃນເວລາ 13 ໂມງຂອງວັນດັ່ງກ່າວ ເກີດຂຶ້ນຢູ່ໃກ້ເຂດຕຳຫຼວດທີ 12 ທາງພາກຕາເວັນອອກຂອງກາບູນ ທັງນີ້ສື່ມວນຊົນລາຍງານວ່າ: ເປົ້າໝາຍການໂຈມຕີຄັ້ງນີ້ຄືຕຶກຂອງກົມຮັກສາຄວາມປອດໄພແຫ່ງຊາດແລະຂະນະເກີດເຫດ, ຜູ້ໂຈມຕີໄດ້ຕາຍຄາທີ່ຫຼັງຈູດລະເບີດ ເຮັດໃຫ້ປະຊາຊົນ 5 ຄົນບາດເຈັບ.
ຂ່າວແຈ້ງວ່າ:ກຸ່ມຕາລີບັນໄດ້ປະກາດເປັນຜູ້ກໍ່ເຫດໂຈມຕີສອງເທື່ອດັ່ງກ່າວ.