ຕາມຂ່າວສານຊິນຮວາ:ທ່ານເຢ້ເຜີຍຈ້ຽນ ກຳມະການສະພາປຶກສາການເມືອງແຫ່ງຊາດຈີນທີ່ເຂົ້າຮ່ວມກອງປະຊຸມສະພາປຶກສາການເມືອງແຫ່ງຊາດຄັ້ງທີ 5 ສະໄໝທີ 12 ທັງເປັນທີ່ປຶກສາລະບົບຍານສຳຫຼວດດາວອັງຄານກຸ່ມວິທະຍາສາດເຕັກໂນໂລຊີການບິນອະວະກາດຈີນໃຫ້ສຳພາດວ່າ,ໜ້າທີ່ສຳຫຼວດດາວອັງຄານຄັ້ງທຳອິດຂອງຈີນໄດ້ເຂົ້າສູ່ໄລຍະການຄົ້ນຄວ້າອອກແບບຜະລິດແລ້ວແລະປັດຈຸບັນມີຄວາມຄືບໜ້າແລ້ວ.
ໃນຖານະເປັນໜ້າທີ່ສຳຄັນໃນການສຳຫຼວດອະວະກາດຊັ້ນເລິກ,ໜ້າທີ່ຄວບຄຸມດາວອັງຄານແລະລາດຕະເວນທົ່ວເຂດແຄວ້ນຄັ້ງທຳອິດຂອງຈີນກໍໄດ້ສ້າງຕັ້ງໂຄງການຢ່າງເປັນທາງການເມື່ອເດືອນມັງກອນປີ 2016 ໂດຍມີແຜນສົ່ງຍານສຳຫຼວດດາວອັງຄານເຂົ້າສູ່ວົງໂຄຈອນໂດຍກົງດ້ວຍຈະຫຼວດສົ່ງຍານສາງເຈິ່ງ 5 ຢູ່ຖານຍິງສົ່ງການບິນອະວະກາດເຫວີນຊ່າງລະຫວ່າງເດືອນກໍລະກົດແລະເດືອນສິງຫາປີ 2020 ໂດຍຍານສຳຫຼວດດາວອັງຄານຈະໃຊ້ເວລາການບິນປະມານ 7 ເດືອນແລະຈາກນັ້ນກໍຈະຖືກດາວອັງຄານຈັບໄດ້ເພື່ອບັນລຸ 3 ເປົ້າໝາຍໃນຄັ້ງດຽວຄື "ປິ່ນອ້ອມ,ລົງຈອດແລະລາດຕະເວນ.
ທ່ານກ່າວຕື່ມວ່າ,ການບັນລຸ 3 ເປົ້າໝາຍດັ່ງກ່າວໃນຄັ້ງດຽວນັ້ນ,ຜ່ານມາບໍ່ທັນມີປະເທດໃດເຮັດໄດ້ເພາະຕ້ອງໄດ້ປະສານງານໜ້າວຽກຕ່າງໆໃຫ້ດີແລະປະສົບສິ່ງທ້າທາຍາທີ່ບໍ່ເຄີຍມີມາກ່ອນ.