ທ່ານຫູຮາວ ຫົວໜ້ານັກອອກແບບໂຄງການສຳຫຼວດດວງຈັນໄລຍະ3, ຜູ້ແທນສະພາປະຊາຊົນແຫ່ງຊາດຈີນເປີດເຜີຍໃນວັນທີ 2 ມີນານີ້ວ່າ: ຈີນຈະສົ່ງຍານສຳຫຼວດດວງຈັນ "ສາງເອີ 5"ຂຶ້ນສູ່ດວງຈັນກ່ອນທ້າຍປີ 2017ເພື່ອນຳເອົາດິນ 2 ກິໂລກັບລົງມາໜ່ວຍໂລກ ໃນນີ້ 1/4 ແມ່ນດິນໃຕ້ພື້ນຜິວດວງຈັນ ແລະ3/4 ແມ່ນດິນຜິວໜ້າດວງຈັນ.
ໃນໄລຍະປະຕິບັດໜ້າທີ່ດັ່ງກ່າວ, ຈະສົ່ງຍານ "ສາງເອີ5"ຂຶ້ນສູ່ອະວະກາດດ້ວຍການໄຕ້ໄຟຢູ່ເທິງອະວະກາດເປັນເທື່ອທຳອິດ ແລະໃຫ້ຍານອະວະກາດເຊື່ອມຕໍ່ເຂົ້າກັນໂດຍບໍ່ມີຄົນຂັບຕາມວົງໂຄຈອນດວງຈັນເປັນເທື່ອທຳອິດເຊັ່ນດຽວກັນ. ທ່ານຫູຮາວຢືນຢັນວ່າ ຍານສຳຫຼວດດວງຈັນ "ສາງເອີ5"ຈະສ້າງພື້ນຖານໃຫ້ແກ່ການສົ່ງຍານບັນທຸກມະນຸດຂຶ້ນດວງຈັນໃນອະນາຄົດ ສ່ວນການຂຶ້ນດວງຈັນເປັນຄວາມມຸ້ງຫວັງຂອງປະຊາຊາດຈີນເຊິ່ງໄວເທົ່າໃດຍິ່ງດີ. ທ່ານກ່າວຕື່ມວ່າ ສາມາດສ້າງຕັ້ງສະຖານີສຳຫຼວດວິທະຍາສາດດວງຈັນຄືດັ່ງການສ້າງສະຖານີສຳຫຼວດວິທະຍາດຢູ່ຂົ້ວໂລກໃຕ້ ເພາະຈີນມີລະດັບເຕັກໂນໂລຊີໃນການປະຕິບັດຕົວຈິງພ້ອມແລ້ວ ເຊິ່ງຈະຊ່ວຍໃຫ້ຮູ້ດວງຈັນຫຼາຍຂຶ້ນ.