ທ່ານຣີຈົງອິນ ອະດີດຮອງຜູ້ຕາງໜ້າຖາວອນຂອງສປປ ເກົາຫຼີປະຈຳອົງການສະຫະປະຊາຊາດ, ໂຄສົກຄະນະຜູ້ແທນສປປ ເກົາຫຼີທີ່ເດີນທາງໄປມາເລເຊຍໄດ້ກ່າວຢືນຢັນໃນວັນທີ 2 ມີນານີ້ວ່າ: ຄະນະຜູ້ແທນຕົນໄດ້ເຈລະຈາກັບສະມາຊິກຄະນະລັດຖະບານທີ່ກ່ຽວຂ້ອງຂອງມາເລເຊຍກ່ຽວກັບການເສຍຊີວິດຂອງຊາຍສປປເກົາຫຼີ ທັງຮຽກຮ້ອງໃຫ້ມາເລເຊຍສົ່ງສົບຜູ້ເສຍຊີວິດໃຫ້ປະເທດຕົນໂດຍໄວ.
ທ່ານຣີຈົງອິນກ່າວໃນພິທີຖະແຫຼງຂ່າວທີ່ຈັດຂຶ້ນຢູ່ນອກສະຖານທູດສປປ ເກົາຫຼີປະຈຳມາເລເຊຍໃນວັນທີ 2 ມີນານີ້ວ່າ: ການພົບປະເຈລະຈາຄັ້ງນີ້ໄດ້ຫາລືບັນຫາສຳຄັນຕ່າງໆເປັນຕົ້ນ ການມອບສົບຊາຍສປປເກົາຫຼີ,ການປ່ອຍຕົວພົນລະເມືອງສປປ ເກົາຫຼີທີ່ຖືກຈັບ ພ້ອມດ້ວຍການເສີມຂະຫຍາຍສາຍພົວພັນມິດຕະພາບລະຫວ່າງສປປ ເກົາຫຼີກັບມາເລເຊຍ ແລະອື່ນໆ. ຂະນະດຽວກັນ, ຄະນະຜູ້ແທນຕົນໄດ້ສະເໜີຂໍກວດສົບຜູ້ເສຍຊີວິດເພື່ອຢືນຢັນຖານະຂອງຜູ້ກ່ຽວ ພ້ອມທັງພົບປະກັບພົນລະເມືອງສປປ ເກົາຫຼີ ແລະຜູ້ຖືກສົງໄສຍິງສອງຄົນທີ່ຖືກຈັບຕົວ ແລະປັດຈຸບັນກໍພວມຖ້າຄຳຕອບຈາກມາເລເຊຍ.
 |
