ສ ເກົາຫຼີອາດຈະຕັດສິນຄະດີຖອດຖອນປະທານາທິບໍດີ ໄວສຸດໃນວັນທີ 10 ມີນານີ້, ແລະຈາກນີ້ໄປກໍຍັງບໍ່ເທົ່າໃດວັນ, ແຕ່ປານນັ້ນ,ອົງການຈັດຕັ້ງປະຊາຊົນ ສ ເກົາຫຼີກໍຈະໂຮມຊຸມນຸມປະທ້ວງໃນທ້າຍອາທິດນີ້ແລະຄາດວ່າຈະເຮັດໃຫ້ເກີດການກໍ່ຕ້ານກັນຢ່າງຂະໜາດໃຫຍ່.
ຂ່າວແຈ້ງວ່າ ເວລາ 18 ໂມງຂອງວັນທີ 4 ມີນານີ້ ຕາມເວລາທ້ອງຖິ່ນ, ອົງການ "ຂະບວນການປະຊາຊົນວິສາມັນເພື່ອເລັ່ງຖອດຖອນນາງປັກກຸນເຮອອກຈາກຕຳແໜ່ງ"ຈະ ໂຮມນຸມຊຸມແສງທຽນ "ວັນເຄື່ອນໄຫວປະຊາຊົນເທື່ອທີ 19"ຢູ່ນະຄອນຫຼວງເຊອຸນ ແລະຫຼັງໂຮມຊຸມນຸມ, ອົງການດັ່ງກ່າວຈະເດີນຂະບວນປະທ້ວງຢ່າງຂະໜາດໃຫຍ່ຢູ່ໃກ້ທຳນຽບຊົງວາເດ, ທຳນຽບນາຍົກລັດຖະມົນຕີແລະສານລັດຖະທຳມະນູນ.
ກ່ອນໜ້ານີ້, ປະຊາຊົນສອງກຸ່ມຄືກຸ່ມສະໜັບສະໜູນແລະກຸ່ມຄັດຄ້ານການຖອດຖອນປະທານາທິບໍດີປັກກຸນເຮຕ່າງກໍໄດ້ໂຮມຊຸມນຸມຂະໜາດໃຫຍ່ຢູ່ໃຈກາງນະຄອນຫຼວງເຊອຸນໃນວັນທີ 1 ມີນານີ້ ແລະເພື່ອບໍ່ໃຫ້ເກີດການປະທະກັນ,ເຈົ້າໜ້າທີ່ຕຳຫຼວດກໍໄດ້ນຳເອົາລົດມາກັນປະຊາຊົນສອງກຸ່ມດັ່ງກ່າວ.