ຕາມຂ່າວສານຊິນຮວາ: ເຈົ້າໜ້າທີ່ສູນຂ່າວກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນສະໄໝທີ 12 ເປີດເຜີຍວ່າ, ຄະນະຜູ້ແທນ ທີ່ເຂົ້າຮ່ວມກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນສະໄໝທີ 12 ໄດ້ເດີນທາງມາເຖິງປັກກິ່ງທຸກທ່ານແລ້ວ, ການກຽມທຸກໆວຽກງານຂອງກອງປະຊຸມກໍພ້ອມແລ້ວເຊັ່ນດຽວກັນ.
ສູນຂ່າວແຈ້ງຕື່ມວ່າ, ວຽກງານຕ່າງໆ ເຊັ່ນ: ບັນຫາກອງປະຊຸມ, ຍັດຕິ, ໃບຂ່າວ ແລະການຈັດສັນສະຖານທີ່ປະຊຸມຕ່າງໆໄດ້ກຽມພ້ອມທຸກຢ່າງແລ້ວ, ທັງພ້ອມຈະແປເອກະສານກອງປະຊຸມເປັນ 7 ພາສາຊົນເຜົ່າສ່ວນໜ້ອຍ ຄື ພາສາມົງໂກນ, ຕິເບດ, ອຸຍເກີ, ກາຊັກ, ເກົາຫຼີ, ຢີ ແລະຈ້ວງ ແລະແປໄປພ້ອມກອງປະຊຸມ. ນອກນີ້, ຍັງຈະແປເອກະສານເປັນພາສາຕ່າງປະເທດຕື່ມອີກ ເຊັ່ນ: ອັງກິດ, ຝຣັ່ງ, ແອສປາຍ, ຣັດເຊຍ, ຍີ່ປຸ່ນ, ເຢຍລະມັນ, ອາຣັບ ແລະອື່ນໆ.
ກອງປະຊຸມຄັ້ງທີ 5 ຂອງສະພາປະຊາຊົນແຫ່ງຊາດຈີນສະໄໝທີ 12 ຈະໄຂຂຶ້ນຢູ່ນະຄອນຫຼວງປັກກິ່ງໃນວັນທີ 5 ມີນານີ້.