ວັນທີ 3 ມີນານີ້, ທ່ານ ລີວເຈຢີ່ ຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ: ປະເທດຕ່າງໆໃນໂລກຄວນໃຫ້ຄວາມສຳຄັນຕໍ່ການໂຈມຕີການຂາຍສັດແລະພືດປ່າແບບຜິດກົດໝາຍ, ລົງໂທດການກະທຳຜິດທີ່ໜັກໜ່ວງດັ່ງກ່າວຢ່າງເດັດຂາດ.
ໃນມື້ດຽວກັນ, ສະມັດຊາໃຫຍ່ອົງການສະຫະປະຊາຊາດໄດ້ຈັດກອງປະຊຸມປຶກສາຫາລືຫົວຂໍ້ສະເພາະລະດັບສູງກ່ຽວກັບ "ວັນສັດແລະພືດປ່າໂລກ". ທ່ານ ລີວເຈຢີ່ ປະກອບຄຳເຫັນວ່າ: ປະເທດຕ່າງໆໃນໂລກຄວນເພີ່ມຄວາມແຮງດ້ານການປະຕິບັດກົດໝາຍໃນຂັ້ນຕອນຕ່າງໆເຊັ່ນ: ການຜະລິດ,ການຈຳໜ່າຍ,ການຄ້າຂາຍເຖື່ອນແລະອື່ນໆ, ເພື່ອໂຈມຕີຢ່າງຮອບດ້ານໂດຍສະເພາະຄວນໃຫ້ຄວາມສຳຄັນຕໍ່ປາບປາມການຄ້າຂາຍສັດແລະພືດປ່າຢ່າງຜິດກົດໝາຍຢູ່ທາງອິນເຕີເນັດ.
 |
