ວັນທີ 4 ມີນານີ້, ຄານີວານຫົວຄິດປະດິດສ້າງໃໝ່ວິທະຍາສາດເຕັກໂນໂລຊີດ້ານການທະນາຄານໄຕ້ຫວັນ 2017 ໄດ້ຈັດຂຶ້ນຢູ່ເມືອງໄຕ້ເປຂອງແຂວງໄຕ້ຫວັນ ໂດຍມີທີມງານຫົວຄິດປະດິດສ້າງວິທະຍາສາດເຕັກໂນໂລຊີດ້ານການທະນາຄານຈາກອັງກິດ, ສິງກະໂປແລະເຂດບໍລິຫານພິເສດຮົງກົງຈີນແລະແຫ່ງອື່ນໆ 30 ທີມໄດ້ເຂົ້າຮ່ວມງານ.
ທ່ານ ສື່ຈຸ້ນຈີ ປະທານຄະນະມົນຕີຮ່ວມໃນຂະແໜງການການບໍລິການດ້ານການທະນາຄານໄຕ້ຫວັນຊີ້ວ່າ: ໂດຍປະເຊີນກັບກະແສການພັດທະນາຂອງວິທະຍາສາດເຕັກໂນໂລຊີການທະນາຄານທົ່ວໂລກ, ໄຕ້ຫວັນພວມດຶງດູດວົງການການຜະລິດແລະວົງການວິຊາການມາເຂົ້າຮ່ວມຢ່າງຕັ້ງໜ້າ. ການຈັດງານວາງສະແດງຫົວຄິດປະດິດສ້າງວິທະຍາສາດເຕັກໂນໂລຊີການທະນາຄານຄັ້ງທຳອິດຂອງໄຕ້ຫວັນຄັ້ງນີ້ ມີຈຸດປະສົງວາງສະແດງປະສົບການດ້ານວິທະຍາສາດເຕັກໂນໂລຊີດ້ານການທະນາຄານທີ່ກ້າວໜ້າຂອງໂລກ,ຊຸກຍູ້ການພັດທະນາດ້ວຍຫົວຄິດປະດິດສ້າງໃນວົງການ, ອົບຮົມບົ່ມສ້າງບຸກຄະລາກອນດ້ານການທະນາຄານແລະຊຸກຍູ້ການພັດທະນາຂະແໜງການວິທະຍາສາດເຕັກໂນໂລຊີການທະນາຄານ.