ທ່ານນາງຈາເນດ ເຢເລນ ປະທານສະຫະພັນຄັງສຳຮອງເງິນຕາ ຫຼື ເຟດ ຂອງອາເມລິກາແຍ້ມໃຫ້ຮູ້ໃນວັນທີ 3 ມີນານີ້ວ່າ, ຖ້າເສດຖະກິດອາເມລິກາພັດທະນາໄປຕາມຄວາມຄາດໝາຍຂອງເຈົ້າໜ້າທີ່ເຟດ, ເຟດເພີ່ມດອກເບ້ຍໃນກອງປະຊຸມສາມັນນະໂຍບາຍເງິນຕາທີ່ຈັດຂຶ້ນໃນເດືອນມີນານັ້ນ ແມ່ນເໝາະສົມ. ບຸກຄົນວິເຄາະຕະຫຼາດເຫັນໂດຍທົ່ວໄປວ່າ, ເຟດຈະເພີ່ມດອກເບ້ຍໃນເດືອນມີນາປີນີ້.
ໃນໄລຍະມໍ່ໆມານີ້, ເຈົ້າໜ້າທີ່ເຟດຫຼາຍທ່ານ ເຊິ່ງລວມທັງທ່ານວິລຽມ ດັກລີ ຜູ້ວ່າການທະນາຄານຄັງສຳຮອງສະຫະລັດນິວຢອກ ແລະທ່ານເລວ ໄບຣນາດ ລ້ວນແຕ່ເຫັນວ່າ, ເສດຖະກິດອາເມລິກາມີທ່ວງທ່າຂະຫຍາຍຕົວເປັນຢ່າງດີ ແລະສາມາດສະໜັບສະໜູນເຟດເພີ່ມດອກເບ້ຍອີກໃນໄວໆນີ້. ກອງປະຊຸມສາມັນນະໂຍບາຍເງິນຕາຄັ້ງຕໍ່ໄປຂອງເຟດຈະຈັດຂຶ້ນລະຫວ່າງວັນທີ 14 ຫາ 15 ມີນານີ້.