ໜັງສືພິມ "ມະນາລີບູເລຕິນ" ຂອງຟິລິບປິນສະບັບວັນທີ 4 ມີນາລາຍງານວ່າ, ທ່ານໂຣໂດນໂຟ ຜູ້ຮັບຜິດຊອບອົງການລົງທຶນແຫ່ງຊາດຟິລິບປິນ ຢືນຢັນຫວ່າງມໍ່ໆນີ້ວ່າ: 5 ບໍລິສັດຂອງຈີນ ຄື ບໍລິສັດເຕັກນິກການບິນສາກົນຈີນຫຸ້ນສ່ວນຈຳກັດ, ກຸ່ມບໍລິສັດໂບຣາຫຼຽວໜິງຫຸ້ນສ່ວນຈຳກັດ, ບໍລິສັດການຄຸ້ມຄອງມູນນິທິການລົງທຶນຮຸ້ຍລີ້ຈຳກັດ, ບໍລິສັດອຸດສາຫະກຳໜັກວ້ານຢາງຕ້າຫຼຽນຈຳກັດ ແລະ ບໍລິສັດຢີ້ຕິງໄທ້ສາກົນ ຈະລົງທຶນຢູ່ປະເທດຕົນກວ່າ 10 ຕື້ໂດລາສະຫະລັດ ແລະການລົງທຶນດັ່ງກ່າວຈະສາມາດສ້າງຕຳແໜ່ງວຽກງານໄດ້ເຖິງ 15.000 ຕຳແໜ່ງ.
ປັດຈຸບັນ, 5 ບໍລິສັດດັ່ງກ່າວພວມສຶກສາຄວາມເປັນໄດ້ໃນການລົງທຶນ ໂດຍຄາດວ່າຈະເຮັດສຳເລັດໃນປີນີ້ ແລະຖ້າມີຄວາມເປັນໄປໄດ້ສູງກໍຖືວ່າຈະເປັນການລົງທຶນຄັ້ງທຳອິດຢູ່ຟິລິບປິນຂອງ 5 ບໍລິສັດດັ່ງກ່າວ.
ທ່ານໂຣໂດນໂຟ ກ່າວຕື່ມວ່າ: ເວົ້າລວມແລ້ວ ຢູ່ປະເທດຕົນສາມາດພັດທະນາຫຼາຍຂົງເຂດ, ຂະນະທີ່ພວກຂ້າພະເຈົ້າກໍຕັ້ງໜ້າຮ່ວມມືການພັດທະນາກັບວິສາຫະກິດຈີນ ເພື່ອພັດທະນາສາຍພົວພັນທີ່ຕ່າງຝ່າຍຕ່າງມີຜົນປະໂຫຍດຢ່າງຕໍ່ເນື່ອງ.