ວັນທີ 5 ມີນານີ້, ກອງທັບຟີລິບປິນໃຫ້ຮູ້ວ່າ:ກອງທັບຕົນໄດ້ບຸກໂຈມຕີກຸ່ມຫົວຮຸນແຮງອາບູ ຊາຢາບຢູ່ພາກໃຕ້ຂອງປະເທດສອງອາທິດຕໍ່ເນື່ອງສົ່ງຜົນເຮັດໃຫ້ຢ່າງໜ້ອຍມີຜູ້ປະກອບອາວຸດ 20 ຄົນເສຍຊີວິດ.
ໂຄສົກຖານທັບເກາະມິນດານາວຕາເວັນຕົກຂອງກອງປະກອບອາວຸດຟີລິບປິນກ່າວໃນວັນທີ 5 ມີນານີ້ວ່າ: ເນື່ອງຈາກການໄລ່ລ່າຕໍ່ເນື່ອງ, ຜູ້ປະກອບອາວຸດອາບູ ຊາຢາບຈຶ່ງຖືກຍິງເສຍຊີວິດ ແລະນີ້ຄືການໂຈມຕີສະກັດກັ້ນການເຄື່ອນໄຫວຂອງກຸ່ມດັ່ງກ່າວ ຈາກນີ້ຈຶ່ງສົ່ງຜົນເຮັດໃຫ້ກຸ່ມນີ້ບໍ່ສາມາດຮັກສາຖານທີ່ໝັ້ນໄດ້ແລະປັດຈຸບັນພວມໂຕນໜີຢ່າງຕໍ່ເນື່ອງ.
ກອງທັບຟີລິບປິນຍັງໄດ້ປະກາດວ່າ: ໄດ້ພົບສົບຂອງຕົວປະກັນທີ່ເປັນຄົນເຢຍລະມັນຜູ້ໜຶ່ງທີ່ຖືກກຸ່ມຫົວຮຸນແຮງອາບູ ຊາຢາບລອບສັງຫານຢູ່ເມືອງອິນດານານແຂວງຊູລູ. ຂະນະທີ່ທຳນຽບປະທານາທິບໍດີຟີລິບປິນກໍເປີດເຜີຍວ່າ: ການພົບສົບຜູ້ເສຍຊີວິດທີ່ເປັນຕົວປະກັນນັ້ນໄດ້ເຮັດໃຫ້ກອງທັບລັດຖະບານມີຄວາມໝັ້ນໃຈໄລ່ລ່າຜູ້ປະກອບອາວຸດອາບູ ຊາຢາບໄດ້ຢ່າງເດັດຂາດ.
 |
