ຕອນຄ່ຳວັນທີ 5 ມີນານີ້, ທ່ານ ຟຣັງຊົວ ແຟັງລົງ ຜູ້ສະໝັກຈາກພັກສາທາລະນະລັດຝ່າຍຂວາຂອງຝຣັ່ງກ່າວວ່ານອກຈາກບໍ່ສົນໃຈຕໍ່ຜູ້ປະສົງໃຫ້ຕົນຖອນອອກຈາກການແຂ່ງຂັນຊິງຕຳແໜ່ງປະທານາທິບໍດີແລ້ວ, ຕົນກໍຈະສືບຕໍ່ລົງສະໝັກເລືອກຕັ້ງ.
ເດືອນພະຈິກປີ 2016, ທ່ານ ແຟັງລົງ ໄດ້ຮັບໄຊຊະນະໃນການເລືອກຕັ້ງເບື້ອງຕົ້ນທັງຈາກຝ່າຍຂວາແລະກາງຂອງຝຣັ່ງແລະກາຍເປັນຜູ້ສະໝັກຮັບເລືອກຕັ້ງຈາກສອງຂົ້ວການເມືອງນີ້.ຂະນະທີ່ໃນເດືອນມັງກອນປີນີ້, ສື່ມວນຊົນຝຣັ່ງໄດ້ເປີດເຜີຍກໍລະນີເມຍຂອງທ່ານແຟັງລົງທີ່ໄດ້ຮັບເງິນເດືອນແຕ່ບໍ່ໄດ້ເຮັດວຽກໂຕຈິງໃນຕຳແໜ່ງຜູ້ຊ່ວຍສະມາຊິກສະພາ ສົ່ງຜົນເຮັດໃຫ້ອັດຕາການສະໜັບສະໜູນທ່ານແຟັງລົງຕົກຕ່ຳລົງຢ່າງຮຸນແຮງ.
ແນວໃດກໍດີໃນວັນທີ 1 ມີນານີ້, ທ່ານ ແຟັງລົງໄດ້ສາລະພາບຢ່າງຈະແຈ້ງວ່າຕົນຈະຮຽກໃຫ້ດຳເນີນການສືບສວນແລະຫຼັງເປີດເຜີຍຂ່າວດັ່ງກ່າວແລ້ວ, ທີມງານຫາງສຽງຂອງແຟັງລົງຫຼາຍທ່ານກໍໄດ້ລາອອກຂະນະທີ່ພັກສາທາລະນະລັດກໍໄດ້ຮຽກຮ້ອງໃຫ້ທ່ານແຟັງລົງຖອນຕົວອອກຈາກການລົງສະໝັກເລືອກຕັ້ງເຊັ່ນດຽວກັນ.