ຕາມຂ່າວສານຈີນ: ທ່ານ ຊູອາການາ ພຣິງການູ ທີ່ປຶກສາຂອງສະຖານທູດອິນໂດເນເຊຍປະຈຳຈີນ ໃຫ້ສຳພາດຕໍ່ນັກຂ່າວວ່າ, ປະເທດຕົນມີຄວາມຍິນດີທີ່ເຫັນເສດຖະກິດຈີນພັດທະນາຢ່າງຕໍ່ເນື່ອງ ແລະໄດ້ພົວພັນດ້ານເສດຖະກິດກັບຈີນຢ່າງໃກ້ຊິດ, ທັງສອງປະເທດລ້ວນແຕ່ແມ່ນສະມາຊິກຂອງກຸ່ມ 20 ປະເທດ ແລະອັດຕາການເຕີບໂຕຂອງເສດຖະກິດຈີນ ຢູ່ແຖວໜ້າມາໂດຍຕະຫຼອດໃນກຸ່ມດັ່ງກ່າວ.
ທ່ານ ພຣິງການູ ກ່າວຕື່ມວ່າ, ການພັດທະນາເສດຖະກິດຂອງຈີນ ໄດ້ສ້າງໂອກາດການພັດທະນາທີ່ໃຫຍ່ຫຼວງມາສູ່ປະເທດອື່ນ ເຊິ່ງປະເທດຕົນຫວັງວ່າຈະສືບຕໍ່ລົງເລິກແລະເປີດກວ້າງການຮ່ວມມືທີ່ດີໃນຂົງເຂດເສດຖະກິດ.
ເມື່ອກ່າວເຖິງກອງປະຊຸມສຸດຍອດເວທີປຶກສາຫາລືການຮ່ວມມືສາກົນ 'ໜຶ່ງແລວທາງໜຶ່ງເສັ້ນທາງ', ທ່ານ ພຣິງການູ ກ່າວໂດຍສັງເກດເຫັນວ່າ: ເວທີປຶກສາຫາລືດັ່ງກ່າວຈະຈັດຂຶ້ນໃນເດືອນພຶດສະພາປີນີ້ ແລະກໍຫວັງຕໍ່ເວທີປຶກສາຫາລືດັ່ງກ່າວ ຈະສາມາດຊຸກຍູ້ການຮ່ວມມືເສດຖະກິດທົ່ວໂລກ ແລະ ຊຸກຍູ້ການພັດທະນາແບບຍືນຍົງຂອງພາກພື້ນອາຊີປາຊີຟິກໄດ້ເປັນຢ່າງດີ.
 |
