ທ່ານຄົງຟົກ ຫົວໜ້າສະຖາບັນຄົ້ນຄວ້າຍຸດທະສາດກຳປູເຈຍໃຫ້ສຳພາດຕໍ່ນັກຂ່າວກ່ອນໜ້ານີ້ບໍ່ດົນວ່າ: ການໄຂກອງປະຊຸມສອງສະພາຂອງຈີນເປັນເຫດການໃຫຍ່ທີ່ດຶງດູດຄວາມສົນໃຈຈາກຊາວໂລກ.
ທ່ານຄົງຟົກກ່າວວ່າ: ການທີ່ເສດຖະກິດຈີນໄດ້ຮັບການພັດທະນາຢ່າງໜັກແໜ້ນນັ້ນໄດ້ສ້າງບົດບາດສຳຄັນທີ່ສຸດຕໍ່ເສດຖະກິດແລະການພັດທະນາຂອງພາກພື້ນກໍຄືຂອງໂລກ, ກຳປູເຈຍແລະປະເທດອື່ນໆລ້ວນແຕ່ຕິດຕາມຢ່າງໃຈຈົດໃຈຈໍ່ວ່າຈີນຈະປະຕິບັດນະໂຍບາຍການປະຕິຮູບເສດຖະກິດໃນບາດກ້າວຕໍ່ໄປແນວໃດ.
ທ່ານຄົງຟົກຢືນຢັນວ່າ: ກຳປູເຈຍ-ຈີນມີສາຍພົວພັນຄູ່ຮ່ວມມືຍຸດທະສາດຮອບດ້ານ, ສອງປະເທດມີພື້ນຖານການຮ່ວມມືທີ່ດີໂດຍໃນໄລຍະຜ່ານມາ, ກຳປູເຈຍໄດ້ຕັ້ງໜ້າເຂົ້າຮ່ວມການກໍ່ສ້າງ "ໜຶ່ງແລວທາງໜຶ່ງເສັ້ນທາງ" ທັງມີຄວາມຫວັງຕໍ່ການກໍ່ສ້າງທາງລົດໄຟໃນອາຊີ, ການພັດທະນາລົດໃຊ້ພະລັງງານແກັສທຳມະຊາດແລະລະບົບພະລັງງານໃໝ່ອື່ນໆ. ຂະນະດຽວກັນ,ສະຖາບັນຜູ້ຊົງຄຸນວຸດທິກຳປູເຈຍໄດ້ຄົ້ນຄວ້າບົດລາຍງານວຽກງານຂອງລັດຖະບານຈີນເທື່ອນີ້ຢ່າງລະອຽດແລະໄດ້ປະກອບຄຳຄິດຄຳເຫັນຕໍ່ລັດຖະບານຕົນເພື່ອເຮັດໃຫ້ການພັດທະນາເສດຖະກິດ-ສັງຄົມຂອງປະເທດໄດ້ຮັບຜົນປະໂຫຍດຢ່າງແທ້ຈິງຈາກທິດທາງນະໂຍບາຍຂອງຈີນ.