ຕາມຂ່າວສານຊິນຮວາ: ກອງປະຊຸມລັດຖະມົນຕີເສດຖະກິດອາຊຽນ ແລະກອງປະຊຸມທີ່ກ່ຽວຂ້ອງຕ່າງໆ ຈະຈັດຂຶ້ນຢູ່ນະຄອນຫຼວງມະນີລາປະເທດຟີລິບປິນ ແຕ່ວັນທີ 8 ຫາ 10 ມີນານີ້ ໂດຍທ່ານຣາມອນ ເອັມ ໂລເປສ໌ ລັດຖະມົນຕີກະຊວງການຄ້າແລະອຸດສາຫະກຳຟີລິບປິນກ່າວໃນວັນທີ 6 ມີນານີ້ວ່າ, ສັນຍາການພົວພັນຄູ່ເສດຖະກິດຮອບດ້ານໃນພາກພື້ືນ ຫຼື RCEP ຈະເປັນຫົວຂໍ້ສຳຄັນໃນກອງປະຊຸມລັດຖະມົນຕີເສດຖະກິດອາຊຽນຄັ້ງນີ້ ແລະໃນຖານະເປັນປະເທດປະທານວຽນຂອງອາຊຽນ ກໍຈະຊຸກຍູ້ໃຫ້ 10 ປະເທດອາຊຽນ ແລະ 6 ປະເທດຄູ່ເຈລະຈາ ສຳເລັດການເຈລະຈາ RCEP ກ່ອນທ້າຍປີນີ້.
ທ່ານໂລເປສ໌ກ່າວວ່າ, ກອງປະຊຸມຈະເນັ້ນຄວາມເປັນເອກະສັນຄືກັນຂອງ 10 ປະເທດອາຊຽນ ແລະບັນດາຝ່າຍທີ່ກ່ຽວຂ້ອງ, ສ້າງສະພາບແວດລ້ອມດ້ານນະໂຍບາຍໃຫ້ສົມບູນ ແລະຜັນຂະຫຍາຍໂຄງການສະໜັບສະໜູນ ນັ້ນມີຄວາມໝາຍສຳຄັນຕໍ່ຄວາມກ້າວໜ້າຂະຫຍາຍຕົວຂອງການຄ້າ ແລະການລົງທຶນຂອງພາກພື້ນ.
RCEP ໄດ້ກວມເອົາປະຊາກອນຫຼາຍກວ່າເຄິ່ງໜຶ່ງຂອງທົ່ວໂລກ, ຂະໜາດເສດຖະກິດແລະການຄ້າກໍມີຫຼາຍກວ່າ 30%ຂອງທົ່ວໂລກ. ແລະກ່ອນໜ້ານີ້ບໍ່ດົນ, ການເຈລະຈາ RCEP ຮອບທີ 17 ໄດ້ຈັດຂຶ້ນຢູ່ເມືອງໂຄອຸເບປະເທດຍີ່ປຸ່ນ.
 |
