ໂອກາດດຳເນີນກອງປະຊຸມ 2 ສະພາຂອງສປ ຈີນໃນຕົ້ນເດືອນມີນານີ້ທົ່ວໂລກກໍຄືປະຊາຊົນບັນດາເຜົ່າຊາວຈີນເອງ ຕ່າງກໍອວ່າຍໜ້າມາຫາດ້ວຍຄວາມສົນໃຈເປັນຢ່າງຍິ່ງ ເຊິ່ງມີຫລາຍປະເດັນທີ່ຕັ້ງຄວາມຫວັງໄວ້ຫລັງສຳເລັດກອງປະຊຸມດັ່ງກ່າວ,ແຕ່ທີ່ໜ້າສົນໃຈ ແລະ ຢາກໃຫ້ເປັນຮູບປະທຳຫລາຍຂຶ້ນກວ່າເກົ່າກໍມີ 4 ປະເດັນ ເຊັ່ນການເພີ່ມຄວາມເຂັ້ມງວດໃນການຕໍ່ຕ້ານການທຸຈະລິດສໍ້ລາດບັງຫລວງ ແລະ ສົ່ງເສີມການສຸຈະລິດ,2 ການປະຕິຮູບຢ່າງຮອບດ້ານບໍ່ວ່າຈະເປັນການສ້າງກົນໄກພັດທະນາເມືອງ ແລະຊົນນະບົດໃຫ້ສົມບູນ,3 ການ ຍົກຄວາມສາມາດໃນການແກ້ໄຂມົນລະພິດ ແລະ 4 ການແກ້ໄຂຄວາມທຸກຍາກຂອງປະຊາຊົນ.ແນວໃດກໍດີໃນບົດນີ້ຂໍອະນຸຍາດຍົກໃຫ້ເຫັນຜົນສຳເລັດໃນການແກ້ໄຂຄວາມທຸກຍາກຂອງປະຊາຊົນໃນປີຜ່ານມາ ແລະ ປີນີ້ລັດຖະບານຈີນວາງແຜນການແກ້ໄຂແນວໃດ ແລະ ຈະໃຫ້ໄດ້ເທົ່າໃດ ?
ຈາກຄວາມເປັນປຶກແຜ່ນແໜ້ນໜາ,ຄວາມເຊື່ອໝັ້ນຢ່າງແຮງກ້າຂອງປະຊາຊົນບັນດາເຜົ່າຕໍ່ການນຳພາ ທີ່ປີຊາສະຫລາດສ່ອງໃສ ແລະ ພ້ອມກ້າວເດີນຕາມພັກ-ລັດຖະບານສປ ຈີນນັ້ນ ໄດ້ກາຍເປັນຄວາມຕັດສິນໃຈທີ່ສູງສົ່ງຕ້ອງເຮັດໃຫ້ເປັນຮູບປະທຳໂດຍສະເພາະການຊ່ວຍເຫລືອປະຊາຊົນທີ່ທຸກຍາກເຊິ່ງຈຸດນີ້,ທ່ານໂອ ຊິງຜິງ ຮອງຫົວໜ້າຫ້ອງການພັດທະນາເພື່ອແກ້ໄຂຄວາມທຸກຍາກຂອງລັດຖະບານຈີນກ່າວເມື່ອທ້າຍເດືອນກຸມພາຜ່ານມາວ່າ:ຫລັງປະສົບຜົນສຳເລັດໃນການຂ່ວຍເຫລືອຜູ້ທຸກຍາກໃນປີຜ່ານມາຄືສາມາດຫລຸດໄດ້ເຖິງ 10 ລ້ານຄົນນັ້ນ,ພັກ-ລັດຖະບານຈີນ ກໍມີຄວາມມຸ່ງໝັ້ນຕໍ່ຄວາມຮັບຜິດຊອບຂອງຕົນຢ່າງແຮງກ້າໂດຍຈະສືບຕໍ່ຊ່ວຍເຫລືອຜູ້ທຸກຍາກໃນທົ່ວປະເທດທີ່ຍັງເຫລືອ 40 ລ້ານຄົນໃຫ້ຫລຸດພົ້ນອອກຈາກຄວາມທຸກຍາກຢ່າງສິ້ນ ເຊີງໃນປີ 2020,ຂະນະທີ່ປີນີ້ກໍໄດ້ຕັ້ງເປົ້າກວ່າ 10 ລ້ານຄົນຢ່າງໜ້ອຍໃຫ້ຫລຸດພົ້ນອອກຈາກຄວາມທຸກຍາກ ແລະ ເພື່ອບັນລຸເປົ້າໝາຍນີ້,ຫ້ອງການຕົນໃນຖານະເປັນເສນາທິການໃຫ້ແກ່ລັດຖະບານຈະເນັ້ນປັບປຸງຊັບພະ ຍາກອນ,ສ້າງກົນໄກໃຫ້ສົມບູນ,ດຳເນີນການກວດສອບຢ່າງເຂັ້ມງວດ.ຂະນະດຽວກັນກໍຈະສະໜັບສະໜູນສະຖາບັນການເງິນປ່ອຍເງິນກູ້ໃຫ້ເຊດທຸກຍາກ,ສ່ວນກະຊວງທີ່ດິນ ແລະ ຊັບພະຍາກອນ ຈະຮັບປະກັນຄວາມຕ້ອງການຊົມໃຊ່ທີ່ດິນຊ່ວຍຜູ້ທຸກຍາກ ແລະ ທີ່ສຳຄັນຄືຕ້ອງຍົກປະສິດທິພາບໃນການພິຈາລະນາອະນຸມັດທີ່ທີ່ຕ້ອງການຊົມໃຊ້ດ້ວຍ.
ຄວາມຈິງແລ້ວ,ລັດຖະບານ ສປ ຈີນ ໄດ້ສຸມທຸກກຳລັງແຣງ ແລະ ສະຕິປັນຍາເຂົ້າໃນການແກ້ໄຂຄວາມທຸກຍາກຂອງປະຊາຊົນໂດຍເນັ້ນຄວາມປອດໄພຂອງອາຫານ,ການປະຕິຮູບລະບົບສາທາລະນະສຸກ, ການປະກັນສັງຄົມ,ການສ້າງວຽກເຮັດງານທຳ ແລະ ສ້າງລາຍຮັບລວມທັງການກໍ່ສ້າງບ່ອນພັກອາໄສໃຫ້ແກ່ປະຊາຊົນ " ເຊິ່ງທັງຫລາຍທັງປວງນັ້ນເປັນຜົນມາຈາກຫ້ອງການພັດທະນາເພື່ອຊ່ວຍເຫລືອຄວາມທຸກຍາກຂອງລັດຖະບານຈີນ ໄດ້ສຸມໃສ່ແກ້ໄຂບັນຫາຕ່າງໆເປັນຕົ້ນການແກ້ໄຂເປັນພຽງຮູບການ,ການໃຫ້ຄວາມສຳ ຄັນຕໍ່ການຂຶ້ນແຜນທີ່ຕິດແທດໂຕຈິງ,ການເພີ່ມຂີດຄວາມສາມາດໃຫ້ແກ່ພະນັກງານ,ການຕີລາຄາ,ການກວດ ກາຄວາມຮັບຜິດຊອບຂອງພະນັກງານ ແລະ ອື່ນໆ " ທ່ານ ໂອຊິງຜິງ ຮອງຫົວໜ້າຫ້ອງການພັດທະນາເພື່ອແກ້ໄຂຄວາມທຸກຍາກຂອງລັດຖະບານຈີນກ່າວເມື່ອທ້າຍເດືອນກຸມພາຜ່ານມາ.