ວັນທີ 7 ມີນານີ້, ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ,ປະທານປະເທດ,ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມໜ່ວຍຄົ້ນຄວ້າຂອງຄະນະຜູ້ແທນແຂວງລຽວນິງທີ່ເຂົ້າຮ່ວມກອງປະຊຸມເທື່ອທີ 5 ຂອງສະພາປະຊາຊົນແຫ່ງຊາດຈີນຄັ້ງທີ 12.
ທ່ານສີຈິ້ນຜິງໄດ້ຕີລາຄາຜົນງານຂອງແຂວງລຽວນິງໃນໜຶ່ງປີຜ່ານມາວ່າ: ການປະຕິຮູບໂຄງປະກອບກພາກການສະໜອງເປັນເສັ້ນທາງທີ່ຈຳເປັນຕ້ອງຜ່ານເພື່ອພັດທະນາໃຫ້ຈະເລີນກ້າວໜ້າ.ຂະນະດຽວກັນກໍຕ້ອງຖືລັດວິສາຫະກິດເປັນຫົວຈັກໃນການພັດທະນາແຂວງໃຫ້ຈະເລີນ, ພັດທະນາລັດວິສາຫະກິດໃຫ້ເຂັ້ມແຂງ,ຈະເລີນເຕີບໂຕແລະດີຂຶ້ນຢ່າງຈະແຈ້ງ.ນອກນີ້ຍັງຕ້ອງສົ່ງເສີມການປັບປຸງແບບແຜນວິທີເຮັດວຽກຂອງພະນັກງານເພື່ອຮັບປະກັນຄຸນນະພາບແລະມີຄວາມປອດໃສຂາວສະອາດ.
ທ່ານສີຈິ້ນຜິງກ່າວຕື່ມວ່າ: ການປະຕິຮູບໂຄງປະກອບກພາກການສະໜອງເປັນເສັ້ນທາງທີ່ຈຳເປັນຕ້ອງໄດ້ຜ່ານເພື່ອພັດທະນາແຂວງລຽວນິງໃຫ້ຈະເລີນກ້າວໜ້າ. ຈາກນີ້ຈິ່ງຕ້ອງກຳແໜ້ນຄວາມຂັດແຍ້ງຕົ້ນຕໍ, ກຳນົດທິດທາງບຸກທະລຸຢ່າງຈະແຈ້ງແລະຊຸກຍູ້ການປະຕິຮູບດັ່ງກ່າວໃຫ້ຄືບໜ້າໃໝ່ເພື່ອພັດທະນາອຸດສາຫະກຳຂອງແຂວງໃຫ້ໄດ້ຮັບຜົນສຳເລັດທີ່ຍິ່ງໃຫຍ່ຄືນໃໝ່.