ຂ່າວສານຊິນຮວາລາຍງານໃນວັນທີ 7 ມີນານີ້ວ່າ: ເພື່ອສະຫຼອງວັນແມ່ຍິງສາກົນ, ກ່ອນໜ້ານີ້ບໍ່ດົນ, ສາຍການບິນອິນເດຍໄດ້ເປີດບໍລິການ "ຖ້ຽວບິນເພດຍິງ"ໂດຍຈະບິນອ້ອມໂລກຮອບໜຶ່ງ ແລະປັດຈຸບັນສາຍການບິນດັ່ງກ່າວກຳລັງຮ້ອງຂໍໃຫ້ຈົດເຂົ້າໃນສະຖິຕິໂລກກີເນັສບຸກ.
ບໍລິສັດການບິນອິນເດຍໄດ້ອອກຖະແຫຼງການສະບັບໜຶ່ງວ່າ: ການສ້າງຕັ້ງ "ຖ້ຽວບິນເພດຍິງ"ຂຶ້ນເປັນການທົດລອງທີ່ກ້າຫານເພື່ອໃຫ້ກຳລັງໃຈເພດຍິງ ໂດຍໃນຖ້ຽວບິນດັ່ງກ່າວ,ຈຸບິນບໍ່ວ່າຈະເປັນນັກບິນ,ພະນັກງານອາກາດ,ຜູ້ປະຈຳການ,ແພດ,ນາຍຊ່າງແລະພະນັກງານກ່ຽວຂ້ອງອື່ນໆຈະເປັນເພດຍິງທັງໝົດ ເຊິ່ງຖືວ່າເປັນກໍລະນີທຳອິດຂອງໂລກ. ຈາກນີ້,ບໍລິສັດການບິນອິນເດຍຈິ່ງໄດ້ຮ້ອງຂໍໃຫ້ຈົດເຂົ້າເປັນສະຖິຕິລິມຄາອິນເດຍລວມທັງສະຖິຕິໂລກກີເນັສບຸກ ແລະກຳລັງລໍຖ້າການປະກາດຜົນ.
 |
