ສະຖາບັນທ່ອງທ່ຽວຈີນໄດ້ເປີດເຜີຍບົດລາຍງານສຳຫຼວດໃນວັນທີ 7 ມີນານີ້ວ່າ: ປະເທດອາຊີຕາເວັນອອກສຽງໃຕ້ເປັນຕົ້ນໄທ,ຟີລິບປິນແລະອື່ນໆກາຍເປັນປະເທດຍອດນິຍົມສຳລັບແມ່ຍິງຈີນໃນການໄປທ່ອງທ່ຽວ ຂະນະທີ່ຄວາມຈິງແລ້ວ, ການບໍລິໂພກການທ່ອງທ່ຽວ, ແມ່ຍິງມີຄວາມສະຫຼາດແລະສົມເຫດສົມຜົນກວ່າຜູ້ຊາຍ.
ຕາມບົດລາຍງານສຳຫຼວດຂອງຖົງເສິງລູໂຢວເຊິ່ງເປັນບໍລິສັດທ່ອງທ່ຽວອ໋ອນລາຍທີ່ມີຊື່ສຽງຂອງຈີນຊີ້ໃຫ້ເຫັນວ່າ:ແມ່ຍິງຈີນນິຍົມໄປທ່ຽວຕ່າງປະເທດຫຼາຍກວ່າຜູ້ຊາຍ ແລະແຫຼ່ງທ່ອງທ່ຽວທີ່ນິຍົມທີ່ສຸດຕົ້ນຕໍກໍຄື ໄທ,ຫວຽດນາມ,ເກາະບາຫຼີ,ມານດິຟ,ອັງກິດ,ຝຣັ່ງ,ສວິສ, ອົສຕຣາລີ,ຍີ່ປຸ່ນ,ຮົງກົງຈີນ,ມາກາວຈີນແລະອື່ນໆ. ຂະນະດຽວກັນກໍນິຍົມໄປທ່ຽວຕ່າງປະເທດດ້ວຍກຳປັ່ນທ່ອງທ່ຽວ.
ບົດລາຍງານຂອງ "ລູມາມາ" ທີ່ເປັນອີກໜຶ່ງບໍລິສັດທ່ອງທ່ຽວອ໋ອນລາຍ ກໍລະບຸວ່າ: ໄທ,ຟີລິບປິນແລະຍີ່ປຸ່ນເປັນປະເທດຍອດນິຍົມແຕ່1-3ຕາມລຳດັບສຳລັບນັກທ່ອງທ່ຽວເພດຍິງຈີນ.
 |
