ວັນທີ 7 ມີນານີ້, ກົມລິຂະສິດເອີຣົບໄດ້ເປີດເຜີຍບົດລາຍງານປະຈຳປີ 2016 ໂດຍສະແດງໃຫ້ເຫັນວ່າ: ໃນການຈັດອັນດັບຂອງການເພີ່ມຈຳນວນການຂໍຂຶ້ນລິຂະສິດຕໍ່ກົມລິຂະສິດເອີຣົບປີຜ່ານມານັ້ນ,ຈີນໄດ້ຢູ່ໃນອັນດັບ 1 ຂອງໂລກ ແລະ ໃນນີ້ກວມ 51% ແມ່ນຂົງເຂດໂທລະຄົມ, ຄອມພິວເຕີແລະເຕັກໂນໂລຊີໂທລະຄົມ.
ປີ 2016, ຈີນໄດ້ຍື່ນຂໍຂຶ້ນລິຂະສິດ 7.150 ໂຄງການຕໍ່ກົມລິຂະສິດເອີຣົບ ເຊິ່ງເພີ່ມຂຶ້ນ 24,8% ເມື່ອທຽບໃສ່ປີ 2015 ທີ່ມີ 5.728 ໂຄງການ ໂດຍໂທລະຄົມກວມອັດຕາສ່ວນໃຫຍ່ອີກເທື່ອໜຶ່ງ.
ບົດລາຍງານລະບຸອີກວ່າ: ປີ 2016, ມີ 10 ປະເທດຂໍຂຶ້ນລິຂະສິດໃນອັນດັບຕົ້ນຂອງໂລກໄດ້ແກ່ອາເມລິກາ, ເຢຍລະມັນ,ຍີ່ປຸ່ນ,ຝຣັ່ງ,ສະວິສ,ຈີນ,ໂຮນລັງ,ສ.ເກົາຫຼີ,ອັງກິດແລະອີຕາລີ.