ວັນທີ 7 ມີນານີ້, ກອງທັບປະກອບອາວຸດຕວກກີໄດ້ອອກຖະແຫຼງການວ່າ:ເຈົ້າໜ້າທີ່ການທະຫານຂອງປະເທດຕົນ,ຣັດເຊຍແລະອາເມລິກາພວມ ເຈລະຈາ 3 ຝ່າຍກ່ຽວກັບບັນຫາຊີຣີແລະອີຣັກຢູ່ອັນຕາເລຍເມືອງແຄມຝັ່ງທະເລ. ໂດຍເນັ້ນການເຄື່ອນໄຫວທາງການທະຫານໃນຂັ້ນຕອນຕໍ່ໄປເຊິ່ງເປົ້າໝາຍກໍຄືໂອຣັບອາຮາທີ່ເປັນຖານທີ່ໝັ້ນຂອງກຸ່ມຫົວຮຸນແຮງ IS ກໍຄືແຜນປະສານງານການທະຫານຂອງເມືອງມານບີ ທາງພາກເໜືອປະເທດຊີຣີ.
ປັດຈຸບັນ,ຈາກທີ່ຫຼາຍປະເທດເຂົ້າແຊກແຊງຊີຣີນັ້ນ, ຢູ່ສະໜາມຮົບປະເທດດັ່ງກ່າວມີທັງໄດ້ຮັບຜົນປະໂຫຍດຮ່ວມກັນແລະທັງເກີດຄວາມຂັດແຍ້ງກັນຢ່າງຮຸນແຮງ ໂດຍໃນວັນທີ 2 ມີນານີ້, ຕວກກີໄດ້ປະກາດຈະໂຈມຕີ "ພັກກຸ່ມພັນທະມິດເພື່ອປະຊາທິປະໄຕ"ທີ່ເປັນກຳລັງປະກອບອາວຸດເຄິດຢູ່ເມືອງມານບີຂອງຊີຣີ ເຊິ່ງກຸ່ມນີ້ແມ່ນພັນທະມິດທີ່ສຳຄັນຂອງອາເມລິກາຢູ່ສະໜາມຮົບຊີຣີ.
 |
