ຜູ້ແທນເພດຍິງໃນສະພາປະຊາຊົນແຫ່ງຊາດຈີນມີ 23,7% ສູງກວ່າອັດຕາສະເລ່ຍທົ່ວໂລກ
2017-03-08 10:58:30 cri
ເນື່ອງໃນໂອກາດວັນແມ່ຍິງສາກົນທີ່ວຽນມາເຖິງໃນປີນີ້, ສະຫະພັນສະພາໂລກໄດ້ເປີດເຜີຍບົດລາຍງານສຳຫຼວດປະຈຳປີໃນຫົວຂໍ້ "ເພດຍິງໃນສະພາປີ 2016" ມີເພດຍິງເຂົ້າຮ່ວມເຄື່ອນໄຫວການເມືອງຢູ່ 270 ກວ່າສະພາໃນໂລກ ໂດຍມາຮອດເດືອນທັນວາປີ 2016, ຜູ້ແທນເພດຍິງຂອງ 68 ສະພາໃນທົ່ວໂລກມີບ່ອນນັ່ງກວມ 30% ຂຶ້ນໄປ, 44 ສະພາຕ່ຳກວ່າ 10% ແລະ 5 ສະພາບໍ່ມີເພດຍິງ, ຂະນະດຽວກັນ, ອັດຕາເພດຍິງທີ່ເປັນປະທານສະພາໄດ້ສູງຂຶ້ນຫຼາຍສົມຄວນ ແລະໄດ້ບັນລຸເຖິງລະດັບສູງສຸດໃນປະຫວັດສາດ, ແຕ່ຍັງມີຄວາມຫຼຸດໂຕນກັນຫຼາຍຈາກການກຳນົດຂອງສະຫະພັນສະພາໂລກຄື ໃຫ້ອັດຕາຜູ້ແທນເພດຍິງໃນສະພາບັນລຸເຖິງ 50% ເຊິ່ງຈຸດນີ້ຍັງຕ້ອງໄດ້ພະຍາຍາມຕໍ່ໄປອີກ. ທີ່ພົ້ນເດັ່ນຄືຜູ້ແທນເພດຍິງໃນສະພາປະຊາຊົນແຫ່ງຊາດຈີນມີຜູ້ແທນເພດຍິງກວມເຖິງ 23,7% ສູງກວ່າລະດັບສະເລ່ຍທົ່ວໂລກ.
