ຕາມຂ່າວສານຊິນຮວາ: ຫວ່າງບໍ່ດົນນີ້, ທ່ານມິນ ບາຮາດູ ເຊີຈັນ ທ່ານເນປານອາຍຸ 86 ປີໄດ້ປະກາດຕໍ່ທົ່ວໂລກວ່າ ຕົນໄດ້ກຽມພ້ອມຈະຂຶ້ນຈອມພູໂຈໂມລັງມາອີກເທື່ອໜຶ່ງໃນລະດູໃບໄມ້ປົ່ງປີນີ້.
ກ່ອນໜ້ານີ້ 9 ປີ ຄືປີ 2008, ທ່ານເຊີຈັນອາຍຸ 77 ປີເຄີຍຂຶ້ນຈອມພູໂຈໂມລັງສາ ທີ່ເປັນຈອມພູສູງສຸດໃນໂລກສຳເລັດຜົນ ແລະອົງການສະຖິຕິກິນິສ໌ໂລກກໍຢືນຢັນວ່າເພິ່ນເປັນຜູ້ມີອາຍຸຫຼາຍກວ່າໝູ່ທີ່ສາມາດຂຶ້ນຈອມພູໂຈໂມລັງມາໄດ້. ແຕ່ປີ 2013, ສະຖິຕິຂອງເພິ່ນຖືກທ່ານ ຢູຈິໂຣ ມູຣາ ຊາຍຍີ່ປຸ່ນມີອາຍຸ 80 ປີໄດ້ທຳລາຍສະຖິຕິຂອງເພິ່ນ.
ທ່ານເຊີຈັນກ່າວວ່າ: "ຮ່າງກາຍຂອງຂ້ອຍບໍ່ມີບັນຫາ ໂດຍທ່ານໝໍໄດ້ກວດວ່າ ຂຶ້ນພູບໍ່ມີບັນຫາ, ຂ້ອຍກໍດີໃຈທີ່ສຸດທີ່ຍັງມີໂອກາດກ້າວໄປເພື່ອບັນລຸຄວາມຝັນຂອງຕົນ."
 |
