ສະມາຄົມນາຍບັນຊີອົສຕຣາລີ ເຜີຍແຜ່ຜົນການສຳຫຼວດການພັດທະນາວິສາຫະກິດຂະໜາດນ້ອຍພາກພື້ນອາຊີປາຊີຟິກໃນວັນທີ 8 ມີນານີ້ ໂດຍສຳຫຼວດໃນ 8 ປະເທດແລະເຂດແຄວ້ນ ຄື ແຜ່ນດິນໃຫຍ່ຈີນ, ຮົງກົງຈີນ, ອິນໂດເນເຊຍ, ຫວຽດນາມ, ມາເລເຊຍ, ນູແວນເຊລັງ, ສິງກະໂປ ແລະ ອົສຕຣາລີ ແລະຫຼັງສຳຫຼວດກໍຊີ້ໃຫ້ເຫັນວ່າ: ວິສາຫະກິດຂະໜາດນ້ອຍຂອງແຜ່ນດິນໃຫຍ່ຈີນໃນຂົງເຂດເສດຖະກິດດີຈີຕອນເປັນອັນດັບໜຶ່ງ ໃນນີ້ວິສາຫະກິດ 96% ໄດ້ນຳໃຊ້ສື່ສັງຄົມອອນລາຍໃນການດຳເນີນທຸລະກິດການຄ້າ ແລະ 92% ໄດ້ຮັບຜົນກຳໄລຈາກການຈຳໜ່າຍສິນຄ້າທາງອອນລາຍ.
ຜົນການສຳຫຼວດຍັງສະແດງໃຫ້ເຫັນວ່າ, ເຖິງວ່າສະພາບແວດລ້ອມການດຳເນີນທຸລະກິດເຕັມໄປດ້ວຍສິ່ງທ້າທາຍກໍຕາມ, ແຕ່ວິສາຫະກິດຂະໜາດນ້ອຍຂອງແຜ່ນດິນໃຫຍ່ຈີນກວ່າ 70% ກໍຍັງມີຄວາມຄຶກຄັກຄືເກົ່າ ໂດຍຄາດວ່າທຸລະກິດຕ່າງໆຈະເຕີບໂຕຂຶ້ນໃນລະດັບໃດໜຶ່ງໃນ 12 ເດືອນຂ້າງໜ້ານີ້.
