ວັນທີ 8 ມີນານີ້ ຢູ່ນະຄອນຫຼວງອິສລາມບັດປະເທດປາກິສະຖານ, ກຸ່ມບໍລິສັດຫຸ້ນສ່ວນເກີໂຈ່ວປ້າຈີນຈຳກັດ ແລະ ກົມພັດທະນາເຂື່ອນໄຟຟ້າປາກິສະຖານໄດ້ເຊັນສັນຍາການກໍ່ສ້າງໂຄງການທີ່ສຳຄັນຂອງເຂື່ອນໄຟຟ້າກາຊູ ເຊິ່ງການເຊັນສັນຍາດັ່ງກ່າວກາຍເປັນຂີດໝາຍສະແດງໃຫ້ເຫັນວ່າໂຄງການເຂື່ອນໄຟຟ້າທີ່ໄດ້ລົງທຶນຫຼາຍທີ່ສຸດຢູ່ ປະເທດປາກິສະຖານໃນປັດຈຸບັນພວມເລີ່ມກໍ່ສ້າງຈາກວິສາຫະກິດຈີນ.
ໂຄງການເຂື່ອນໄຟຟ້າກາຊູຕັ້ງຢູ່ເຂດລ້ອງແມ່ນ້ຳອິນເດຍຂອງເຂດໂຄຮິສຕັນຄີເບີ-ປັກຕຸນກວາປະເທດປາກິສະຖານ ເຊິ່ງເປັນໜຶ່ງໃນໂຄງການທີ່ມີລະດັບເຕັກໂນໂລຊີສູງ,ບໍລິມາດການຜະລິດໄຟຟ້າແລະການລົງທຶນຫຼາຍທີ່ສຸດຂອງປະເທດ ໂດຍເຂື່ອນດັ່ງກ່າວມີກຳລັງຕິດຕັ້ງ 5.400 ເມກາວັດ ແລະ ຫຼັງກໍ່ສ້າງສຳເລັດຈະສາມາດຜະລິດໄຟຟ້າໄດ້ປະມານ 12 ຕື້ກິໂລວັດໂມງ ໂດຍຈະສາມາດຫຼຸດຜ່ອນບັນຫາຂາດເຂີນພະລັງໄຟຟ້າໄດ້ເປັນຢ່າງດີ. ໂຄງການນີ້ຄາດວ່າຈະສ້າງວຽກເຮັດງານທຳໃຫ້ແກ່ປະຊາຊົນປະມານ 8.000 ຄົນ ພ້ອມທັງຈະຊຸກຍູ້ການພັດທະນາເສດຖະກິດສັງຄົມແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ.
 |
